संतोष साळसकर | ब्युरोचीफ :
देवगड तालुक्यातील हिंदळे येथील श्री काळभैरव जयंती उत्सव २०२२ हा कार्यक्रम दिनांक १५ नोव्हेंबर व दिनांक १६ नोव्हेंबरला सुरू होत आहे.यानिमित्त विविध धार्मिक कार्यक्रमांचे आयोजन करण्यात आले आहे.
मंगळवार, दिनांक १५ नोव्हेंबर रोजी सकाळी ८ वाजता पासून ते दुपारी १२ वाजता पर्यंत लघुरुद्र जप, रात्रौ ९.३० वाजता कलारंग संगीत रजनी हिंदळे यांचा भावगीत, भक्तीगीत व नाट्यगीत कार्यक्रम. बुधवार, दिनांक १६ नोव्हेंबर रोजी सकाळी ८ वा. पासून ते दुपारी १ वाजता पर्यंत लघुरुद्र स्वाहाकार. दुपारी १ वाजता ते ३.३० पर्यंत महाप्रसाद दुपारी १वाजताा ते सायंकाळी ७.३० पर्यंत स्थानिक बुवांची भजने. रात्रौ १० वाजता किर्तन जुगलबंदी. सादरकर्ते : किर्तनचंद्र श्री. श्रेयस बडवे आणि किर्तनचंद्रीका सौ. मानसी बडवे (पुणे), साथसंगत संवादीनी हर्षल काटदरे (चिपळूण) तबला : सोहम जोशी (दापोली) सादर होणार आहेत.
तसेच देव दीपावली वार्षिक महोत्सव दि. १९ नोव्हेंबर ते २४ नोव्हेंबर रोजी संध्या. डाळप इ. रात्रौ पुराण वाचन पालखी व त्यानंतर किर्तन किर्तनकार ह.भ.प. निलेश पाटकर (कोटकामते), गुरुवार दिनांक २४ नोव्हेंबर २०२२ रोजी, पहाटे ५ वाजता ते सायंकाळी ७ वाजता दर्शन व ओटी भरणे कार्यक्रम. संध्याकाळी ७ वाजता उत्सवाची सांगता होणार आहे.
तरी सर्व भाविकांनी दोन्ही उत्सवांना उपस्थित राहून कार्यक्रमाची शोभा वाढवावी व दर्शनाचा लाभ घ्यावा. असे आवाहन श्री काळभैरव मंदिर देवस्थान कमिटी, हिंदळे यांनी केले आहे.