शिरगांव | संतोष साळसकर :
देवगड तालुक्यातील बापर्डे जुवेश्वर येथील यशवंतराव राणे माध्यमिक विद्यालय व ज्युनियर कॉलेजचा औपचारिक उद्घाटन सोहळा बुधवार, दिनांक 9 नोव्हेंबर http://localhost/news/public/uploads/2022 रोजी सकाळी आयोजित करण्यात आला आहे. यावेळी सुप्रसिध्द लेखिका, ज्येष्ठ समाजसेवक पद्मश्री सुधा मुर्ती यांच्यासह अन्य मान्यवर उपस्थित राहणार आहेत. हा कार्यक्रम बापर्डे येथील आप्पा देऊ घाडिगावकर विद्यानगरी प्रागंणात होणार आहे.माजी आमदार स्व. अमृतराव राणे यांच्या संकल्पनेतून साकार झालेली श्री देवी पावणादेवी कृपा शिक्षण विकास मंडळ गेली 10 वर्षे कार्यरत असून प्रगतीपथावर आहे. राज्य शासनाकडून 6 वी ते 12 वी पर्यंतचा अभ्यासक्रम स्वयं अर्थसहाय्य तत्वावर चालविण्यास मान्यता दिलेली आहे. या संस्थेच्या यशवंतराव राणे माध्यमिक विद्यालय व ज्यु. कॉलेजचा औपचारिक उद्घाटन सोहळा यावेळी होणार आहे. 
या कार्यक्रमाला पद्मश्री सौ. सुधा मुर्ती, सिंधुदुर्ग जिल्हा परिषदेचे मुख्य कार्यकारी अधिकारी प्रजित नायर, जसलोक हॉस्पिटलचे हृदयरोग तज्ञ डॉ. सुरेश जोशी आणि भारतीय नौदलातील अधिकारी यांची प्रमुख उपस्थिती असणार आहे. यावेळी सकाळी 9 ते 10 वा. सत्यनारायण महापूजा, 10 ते 12 वा. सौ. सुधा मुर्ती व नौदलातील अधिकार्यांचे विद्यार्थ्यांना मार्गदर्शन व गप्पागोष्टी, सायंकाळी 4.30 ते 8 वा. उद्घाटन सोहळा व मार्गदर्शन करण्यात येणार आहे. 
या संपूर्ण कार्यक्रमाला ग्रामस्थ, पालक आणि शिक्षण प्रेमींनी उपस्थित राहण्याचे आवाहन आयोजकांनी केले आहे.