संतोष साळसकर | ब्युरोचीफ :
देवगड तालुक्यातील किंजवडे गावचे जागृत ग्रामदैवत इनामदार श्री देव स्थानेश्वर मंदिरात दिनांक ३ ते ८ नोव्हेंबर या कालावधीत कार्तिकोत्सव साजरा करण्यात येणार असून त्यानिमित्त विविध धार्मिक कार्यक्रमांचे आयोजन करण्यात आले आहे.लळीत कार्यक्रमाने ८ नोव्हेंबरला उत्सवाची सांगता होणार आहे.
३ नोव्हेंबर रोजी सकाळी ११ वाजता पुण्याहवाचन, काकड आरती,रात्री ९ वाजता शिवकळा, पुराण, महाआरती, पालखी सोहळा आदी कार्यक्रमांचे आयोजन करण्यात आले आहे.
४ नोव्हेंबर रोजी रात्री १०.३० वाजता जामसंडे येथील ह.भ.प. मधुकर गोगटे यांच्या सुश्राव्य कीर्तनाचा कार्यक्रम होणार आहे. ५ नोव्हें. रोजी रात्री ९.३० वाजता तुलसी विवाह, ११.३० वाजता कणकवली येथील ह.भ.प. पुरुषोत्तम काजरेकर यांच्या कीर्तनाचा कार्यक्रम होणार आहे. ६ नोव्हे. रोजी रात्री ११ वाजता किंजवडे देऊळवाडी येथील श्री देव स्थानेश्र्वर प्रासादिक नाट्यमंडळाचा शुक्राचार्य मायासंग्राम हा पौराणिक दशावतारी नाट्यप्रयोग होणार आहे. ७ नोव्हेंबरला सायंकाळी ४ वाजता महाप्रसाद, रात्री ९.३० वाजता नाडण येथील माऊली प्रासादिक भजन मंडळ बुवा कीर्ती पुजारे यांचे संगीत भजन, रात्री ११.३० वाजता त्रिपुरारोत्सव, शिवकळा, आरती, पालखी सोहळा आदी कार्यक्रम होणार आहेत. ८ नोव्हेंबरला रात्री ११ वाजता घाडीपाडावेवाडी येथील नवदुर्गा नवतरुण नाट्यमंडळाचा कलांतक मर्दिनी हा पौराणिक दशावतारी नाट्यप्रयोग व कीर्तनानंतर लळीत कार्यक्रमाने उत्सवाची सांगता होणार आहे.
कर्तिकोस्त्वाच्या कालावधीत मंदिरात दररोज सकाळी १० वाजता व सायंकाळी ५ वाजता सनई वादन, गायन बैठक, रात्री ९ वाजता पुराण, महाआरती, श्रींचा पालखी सोहळा, सनई वादन, पहाटे काकड आरती आदी कार्यक्रम दररोज नित्यनेमाने होणार आहेत.
कार्तिकोत्सवास भाविकांनी उपस्थित राहून कार्यक्रमाची शोभा वाढवावी असे आवाहन किंजवडे, बारा-पाच मानकरी व ग्रामस्थ यांनी केले आहे.