नागरिकांची सतर्कता ; पोलीस ठाण्यात धाव ; संशयीत चोर पोलिसांच्या स्वाधीन.

कणकवली I प्रतिनिधी : सिंधुदुर्ग जिल्ह्यातील कणकवली शहरात आज पहाटे ६ वा. च्या सुमारास भालचंद्र महाराज संस्थानकडील बालगोपाळ हनुमान मंदिर मधील दानपेटी फोडून रक्कम लंपास करणाऱ्या एका चोरट्याला कणकवलीतील जागरुक नागरिकांनी पकडले.
आज बुधवारी सकाळी ही घटना घडली आहे .

कणकवलीतील बालगोपाळ हनुमान मंदिरची दान पेटी फोडत असताना सकाळी ६ वाजण्याच्या सुमारास सामाजिक कार्यकर्ते संजय मालडकर, अनिल आणावकर यांच्यासह तेथील काहींनी या चोरट्याला पाहिले व त्याला रंगेहाथ पकडले. त्याची झाडाझडती घेतली. असता त्याच्या खिशात अजून दान पेट्या फोडलेली रक्कम व पान पट्ट्यांमधील गुटखा, पान मसाला अशा देखील वस्तू आढळून आल्या. याबाबत चोरट्याकडे नागरिकांनी चौकशी केली असता नागवे रोडवरील राम मंदिर मधली दानपेटी चोरट्याने फोडल्याचे सांगितले. या संशयीत चोट्याला पोलिसांच्या स्वाधीन केले असून, या चोरट्यासोबत अजून एक साथीदार होता पण नागरिकांची जाग मिळताच त्याने पलायन केले. दरम्यान पोलिसांकडून आता या चोरट्याची चौकशी सुरू करण्यात आली आहे. कणकवलीतील नागरिकांनी पोलीस स्टेशनला धाव घेतली होती असे सूत्रांकडून समजते आहे .
गेल्या काही काळातील चोऱ्यांची वारंवारिता लक्षात घेता चोरट्यानी कणकवली शहराला लक्ष्य केले असल्याचे दिसून येते.