जन शिक्षण संस्था सिंधुदुर्गच्या वतीने वैभववाडी येथे ५० प्रशिक्षित महिलांना शिलाई मशीनचे वितरण.
वैभववाडी | नवलराज काळे : माजी केंद्रीय मंत्री ना. सुरेशजी प्रभु यांच्या प्रयत्नातुन, मानव साधन विकास संस्था अंतर्गत असलेल्या परीवर्तन केंद्राच्या माध्यमातुन जन शिक्षण संस्थान सिंधुदुर्ग मार्फत वैभववाडी तालुक्यातील शासन मान्यताप्राप्त शिवणकला संस्थेत प्रशिक्षित असलेल्या ५० महिलांना आज मोफत शिलाई मशिनचे वाटप करण्यात आहे .
एडगाव येथील रामेश्वर विद्यामंदिर येथे हा कार्यक्रम संपन्न झाला. मा. सुरेशजी प्रभु यांच्या प्रयत्नातुन जनशिक्षण सिंधुदुर्ग मार्फत सिंधुदुर्ग जिल्ह्यातील १००० महीलांना मोफत शिलाई मशिन वाटप करण्यात आल्या आहेत. सदर शिलाई मशिन खरेदी करण्यासाठी गोवा विमानतळ प्राधिकरणाने आर्थिक व्यवस्था केलेली आहे .
या कार्यक्रमासाठी प्रमुख अतिथी परीवर्तन केंद्र सिंधुदुर्ग चे जिल्हा समन्वयक विलासजी हडकर यांनी उपस्थित महिलांना मार्गदर्शन केले. या कार्यक्रम प्रसंगी भाजपा उपाध्यक्ष प्रमोद रावराणे, भाजपा युवा मोर्चा पदाधिकारी किशोर दळवी, माजी जि.प. सदस्य सुधीर नकाशे, संजय रावराणे, आदी पदाधिकारी, मान्यवर तसेच महीला लाभार्थी मोठ्या संख्येने उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
