बायपास लगतची झाडी-झुडपे देतायत अपघातास आमंत्रण..!
झाराप ते बांदा शेर्ले नाका रस्त्याच्या दुतर्फा वाढलेली झाडी तोडण्याची वाहनधारकांची मागणी..!
श्रावण | गणेश चव्हाण :
मुंबई गोवा या चौपदरी हायवेवर, कुडाळ झाराप ते बांदा शेर्ले नाका पर्यंत हायवेच्या दुतर्फा वाढलेल्या गवत व झाडी झुडुपांमुळे अपघात होऊन जीवीत हानी होऊ शकते. या गवतामध्ये लपलेले वन्यप्राणी किंवा स्थानिकांची मोकाट चरणारी गुरेढोरे, वाहन चालकांना वाहन चालवतांना दिसत नाही. या गवतात असलेले वन्यप्राणी किंवा गुरे, अचानक रस्त्यावर आल्यास, वाहनधारकाचा वाहन चालवताना अपघात होऊन मृत्यू होऊ शकतो. हे टाळण्यासाठी बांधकाम विभागाने या रस्त्याच्या दुतर्फा वाढले गवत आणि झाडी वेळीच छाटण्यात यावी अशी मागणी सर्वसामान्य जनतेतून व वाहनधारकां मधून होत आहे. त्यातच ही वाढलेली झाडी, गवत अपघातास कारण ठरायच्या अगोदर ती छाटण्यात यावी अशी मागणी वाहनधारकांकडून होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
