संतोष साळसकर | ब्युरोचीफ : सिंधुदुर्ग जिल्ह्यातील कणकवली तालुक्यात कासार्डे,तळेरे, साळिस्ते परिसरातील काल सायंकाळी. ४वा.च्या सुमारास वीजांच्या प्रचंड कडकडाटासह ढगफुटी सदृश्य मुसळधार पाऊस कोसळला आहे.यात साळिस्ते येथील पांडुरंग नारायण गुरव यांचा घरावर वीज पडून मृत्यू झाला.

कासार्डे परिसरात प्रचंड कडकडाटासह जोरदार ढगफुटी झाल्याने सर्व्हिस रोड,कासार्डे पोलिस दुरक्षेत्रही पाण्याखाली गेल्याने काही काळ वाहतूकही ठप्प झाली होती.तर देऊलकरवाडी येथील महापुरुषांच्या मंदीर परिसरही जलमय झाला होता.

शुक्रवारी दुपारनंतर अचानक झालेल्या ढगफुटी सदृश्य मुसळधार पावसामुळे काही क्षणातच ओढे,नाले तुडुंब भरून वाहत अनेक रस्ते पाण्याखाली गेले.

मुंबई गोवा महामार्गावर कासार्डे तिठ्यावरील सर्व्हिस रोड,कासार्डे पोलिस दुरक्षेत्र संपूर्ण पाण्याखाली गेले होते.
या पोलिस दुरक्षेत्राची जवळपास खिडकीपर्यत पाणीत इमारत बुडाली होती. महामार्ग ठेकदाराचे नियोजन शुन्य कामाची याठिकाणी उद्भवलेल्या परिस्थितीमुळे चांगलीच पोलखोल झाली आहे अशी वाहन चालक व सामान्य नागरीकांची प्रतिक्रिया येत आहे.

साधारणपणे शाळा सुटण्याच्यावेळीच ३० ते ४५ मिनिटांत प्रचंड पाऊस कोळसल्याने विद्यार्थी वर्गांचेही हाल झाले.
कासार्डे तांबळवाडी- तर्फेवाडीतील अनेक ठिकाणी मोठ्या प्रमाणात पाणी साचले होते
परतीच्या पावसाचा शेतकरी वर्गाला मोठा फटका बसला आहे.