कणकवली I प्रतिनिधी : रोटरी क्लब ऑफ कणकवली सेंट्रल व नॅब नेत्र रूग्णालय मिरज संचलित विवेकानंद नेत्रालय कणकवली यांच्या संयुक्त विद्यमाने सनराईज टॅावरमधील विवेकानंद नेत्रालयामघ्ये मोफत मोतीबिंदू शस्त्रक्रिया शिबिराचे आयोजन करण्यात आले होते. यावेळी १६ जणांची मोतीबिंदू शस्त्रक्रिया करण्यात आली.

दिनांक २६ सप्टेंबर रोजी रोटरी क्लब ऑफ कणकवली सेंट्रलने डॉ. विद्याधर तायशेटये यांच्या ५० व्या जन्मदिनाचे औचित्य साधून संजीवनी हॅास्पीटलमध्ये विवेकानंद नेत्रालयातील नामवंत नेत्रतज्ञांमार्फत नेत्र तपासणी शिबिर आयोजित केले होते. या शिबिरामध्ये तपासणी केल्यानंतर सनराईज टॅावरमधील विवेकानंद नेत्रालयामघ्ये २९ सप्टेंबर रोजी मिरज येथील नामवंत नेत्र तज्ज्ञ डॉ. करण अनिल मगदूम यांनी १६ जणांची मोतीबिंदू शस्त्रक्रिया केली.

यावेळी रोटरीचे असिस्टंट गव्हर्नर रो. दिपक बेलवलकर, प्रेसिडेंट रो. वर्षा बांदेकर, सेक्रेटरी रो. उमा परब, रो. नितीन बांदेकर, रो. डॉ विद्याधर तायशेटे, रो. महेंद्र मुरकर इत्यादी रोटेरीयन उपस्थित होते. तर नॅब नेत्र रूग्णालय मिरज संचलित विवेकानंद नेत्रालयचे संस्थापक राहुल देशपांडे, मिरज येथील नामवंत नेत्र तज्ज्ञ डॉ. करण अनिल मगदूम, व्यवस्थापक पूनम जगदाळे, रमेश जगदाळे, प्राची चव्हाण, प्राजक्ता ठाकूर, अर्चना दळवी आदी उपस्थित होते.