विवेक परब | एडिटोरिअल असिस्टंट :

भाजपा दिंव्याग विकास आघाडी, सिंधुदुर्ग च्या वतीने १५ ऑक्टोबर – जागतिक पांढरी काठी दिनानिमीत्त कसाल बाजारपेठ मधील सिद्धिविनायक हाॅल मध्ये दिव्यांगांचा मेळावा आयोजित करण्यात आला असून, जिल्हा भरातील अंधांना पांढरी काठीचे वाटप करण्यात येणार आहे. तसेच केंद्र सरकार व राज्य सरकारच्या दिंव्यागांसाठीच्या योजनांची माहिती देण्यात येणार आहे.
दिंव्याग संपर्क अभियान जागतिक पांढरी काठी दिनानिमीत्त भाजपा दिंव्याग विकास आघाडीच्या वतीने दिनांक १५ ऑक्टोबर ते १५ नव्हेंबर या कालावधीत जिल्हा भरातील दिव्यांगांशी संपर्क केला जाणार आहे. तसेच जे दिव्यांग स्वतःचा उद्योग करण्यास इच्छुक असतील त्यांना केंद्रीय मंत्री नारायणराव राणे साहेब यांच्या माध्यमातून खादी ग्रामोद्योग विभागामार्फत प्रशिक्षणाचे आयोजन केले जाणार आहे. तसेच दिव्यांगांना स्वतःचा पायावर उभे राहण्यासाठी भाजपा दिंव्याग विकास आघाडी च्या वतीने प्रयत्न केले जाणार आहे.
योगायोगाने दिनांक १५ ऑक्टोबर रोजीच भाजपाचे युवा नेते विशालजी परब यांचा वाढदिवस असल्याने त्यांचा वाढदिवस दिव्यांगांसोबत केक कापून साजरा करण्यात येणार आहे.
भाजपा दिंव्याग विकास आघाडी ची जिल्हा पदाधिकारी बैठकीत या कार्यक्रमाचे नियोजन करण्यात आले. यावेळी भाजपा वैद्यकीय आघाडीचे प्रदेश सहसंयोजक डाॅ अमेय देसाई यांनी मार्गदर्शन केले. यावेळी महिला मोर्चाच्या जिल्हाध्यक्ष संध्या तेरसे, जिल्हा सरचिटणीस प्रसंन्ना देसाई, जिल्हा प्रवक्ते बाबा मोंडकर, जिल्हा का.का.सदस्य सचिन भाई तेंडुलकर, कुडाळ चे राजेश पडते तसेच दिंव्याग आघाडीचे सरचिटणीस शामसुंदर लोट, सदानंद पावले, प्रकाश वाघ, सुनील तांबे, संगीता संजय पवार, स्वाती निलेश राऊळ इत्यादी उपस्थित होते.