मालवण तालुक्यातून हुतात्मा दत्ताराम भाऊ कोयंडे शाळा ठरली अव्वल.

विवेक परब | एडिटोरिअल असिस्टंट : गणित सुधार अध्ययन संस्था आयोजित विभाज्यता ऑलिंपिक स्पर्धा नुकतीच संपन्न झाली. गणित सुधार उपक्रमा अंतर्गत ६ वी आणि ७ वी साठी या वर्षी (२०२२-२३) विभाज्यता, चिन्ह संबोध यांचा समावेश असतो. या संपूर्ण उपक्रमात मालवण तालुक्यातील १५ शाळांची निवड संस्थेने केली होती. या उपक्रमात विद्यार्थ्यांची पूर्वचाचाणी, शिक्षकांचे कृतिसत्र, शिक्षकांनी दिलेल्या साहित्याच्या आणि प्रकीयांच्या आधारे शिकवणे, शिकवल्यानंतरची उत्तर चाचणी, उत्तर चाचणीनंतर विद्यार्थ्याचे ऑलिंपीक होते. सदरची मालवण तालुक्याची ऑलिंपीक ११ ऑक्टोबरला मालवणात बॅ. नाथ पै सेवांगण येथे संपन्न झाले. या आलिंपीकमध्ये मालवण तालुक्यात हुतात्मा दत्ताराम भाऊ कोयंडे शाळा आचरा पिरावाडी या शाळेने अव्वल क्रमांक मिळवला. शाळेने हे यश संपादन केल्याबद्दल आचरा गावचे माजी सरपंच तथा शिक्षण प्रेमी सदस्य अनिल करंजे यांनी कु. रुद्र बागवे, संस्कार पवार आणि सहभागी विद्यार्थी व मार्गदर्शक शिक्षिका स्मिता परब यांचे अभिनंदन केले. यावेळी बोलताना करंजे म्हणाले, की आपली शाळा गुणवत्तेमध्ये अग्रेसर आहे. त्यामुळेच पिरावाडीच्या बाहेरील ३५ ते ४० विद्यार्थी आपल्या शाळेत येत आहेत. शाळेचा नावलौकिक वाढविणे केवळ तुमच्या हातात आहे. हा नावलौकिक सतत वाढत राहो. यासाठी सर्व शिक्षक व विद्यार्थी यांना शुभेच्छा. यावेळी शाळा व्यवस्थापन समिती, पालक शिक्षक संघ व माता पालक संघ यांनी मुलांचे अभिनंदन केले.