नेरूर । कुडाळ
देवेंद्र गावडे । उपसंपादक :

सोमवार दिनांक ३ ऑक्टो., २०२२ रोजी श्री गणेश विद्यालय, नेरूर-वाघोसेवाडी या जि.प. प्राथमिक शाळेच्या नव्याने उभारण्यात आलेल्या ‘सभामंडपा’चे उद्घाटन ‘सरस्वती पूजना’चे औचित्य साधून नेरूर गावचे प्रथम नागरीक तथा सरपंच धनंजय उर्फ शेखर गावडे यांच्या हस्ते करण्यात आले.

ग्रामीण भागातील विद्यार्थ्यांसाठी प्रशालेची विविध सोयीसुविधांनीयुक्त इमारत असावी या हेतूने प्रेरीत होऊन सदर सभामंडपाची उभारणी करण्यात आली.

या उद्घाटनप्रसंगी ग्रामपंचायत सदस्या सौ. माया शृंगारे, शा. व्य. समिती अध्यक्षा सौ. ममता परब, वाघोसेवाडी येथील ज्येष्ठ नागरिक प्रभाकर शृंगारे, पत्रकार दत्तराज शृंगारे, कंत्राटदार मयुर यादव, गौरव मोडक, निलेश मोडक, अंगणवाडी शिक्षिका सौ. सुप्रिया नेरूरकर, ग्रामसेवक कसालकर भाऊ आदि मान्यवर उपस्थित होते.

सर्वांचे स्वागत प्रशालेचे मुख्याध्यापक प्रसाद कुंटे सर यांनी केले, तर सूत्रसंचालन व आभार सौ. पूर्वा गावडे यांनी मानले.

सदर कार्यपूर्तीविषयी वाघोसेवाडी ग्रामस्थांमधून समाधान व्यक्त होत असल्याचे वनौशधीशास्त्र अभ्यासक व नेरूर-वाघोसेवाडीचे सुपूत्र रामचंद्र शृंगारे यांनी त्यांचीशी बातचीत करताना सांगीतले.

सदर कामाचा मुख्य भाग पूर्णत्वास गेला असला तरी अजूनही परीसरातली डागडूजी व सुशोभीकरण करण्याचे काम सुरू आहे. ही कामे लोकवर्गणीतून करण्यात येत आहे. तरी या कामांसाठी ज्यांना सढळ हस्ते मदत करायची आहे त्यांनी जरूर करावी. ज्यामूळे ही ग्रामीण दुर्गम.भागातील प्रशाला सुसज्ज स्वरूपात उभी राहील व इथल्या विद्यार्थ्यांची होणारी गैरसोय दूर होईल, असे आवाहन रामचंद्र शृंगारे व वाघोसेवाडी वासियांच्या वतीने करण्यात आले आहे.