मालवण | सुयोग पंडित : सिंधुदुर्ग जिल्ह्यातील महिला आर्थिक विकास महामंडळ अंतर्गत स्थापित ‘हिरकणी’ लोकसंचलीत साधन केंद्र कणकवली व नगरपंचायत कणकवली दीनदयाळ अंत्योदय योजनाराष्ट्रीय नागरी उपजीविका अभियान अंतर्गत स्थापित ‘कनकसिंधू शहर स्तर संघ कणकवली’ यांच्या वतीने आज ३ ऑक्टोबरला नवदुर्गांचा सत्कार कार्यक्रम आयोजित करण्यात आला होता.

यात साल २०२१ मध्ये नगरपंचायत अंतर्गत दिवाळी बाजार भरविण्यात आला होता त्या दिवाळी बाजारात तसेच ‘MSME प्रदर्शनात’ ज्या गटातील महिलांनी यशस्वीरित्या स्टॉल चालवले त्यांचा सन्मान करून त्यांना प्रोत्साहन देण्यात आले. या महिलांच्या सन्मान कार्यक्रमासाठी बाॅलिवुडच्या चरीत्र अभिनेत्री अक्षता कांबळी यांना आमंत्रित करण्यात आले होते.

या कार्यक्रमासाठी हिरकणी व्यवस्थापिका सीमा गावडे नगरपंचायतचे ए.पी.ओ. अमोल भोगले,क्षेत्रिय समन्वयक सिद्धी नलावडे व सहयोगिनी स्नेहा कदम यांनी मार्गदर्शन केले.सदर कार्यक्रमासाठी कनकसिंधू शहरस्तर अध्यक्षा सुचिता पालव, सचिव प्रणाली कांबळे, खजिनदार प्रिया सरूडकर, सहसचिव स्वाती राणे उपाध्यक्ष राजश्री पिळणकर, सदस्या दिव्या साळगावकर, शुभांगी उबाळे तसेच इशा कांबळी व सर्व ए.एल.एफ. चे पदाधिकारी तसेच बचतगट महिला उपस्थित होत्या. यावेळी बोलताना अभिनेत्री अक्षता कांबळी यांनी विविध विषयांवर मार्गदर्शन केले व महिलांना प्रोत्साहन व शुभेच्छा दिल्या.