शिरगांव येथील वैद्यकीय व्यावसायिक मनोहरतीर्थ महेंद्रकर यांचे निधन..!
संतोष साळसकर | ब्युरोचीफ : सिंधुदुर्ग जिल्ह्यातील देवगड तालुक्यातल्या शिरगांव येथील वैद्यकीय व्यावसायिक डॉ. मनोहरतीर्थ नारायणराव महेंद्रकर यांचे २९ सप्टेंबर रोजी वृद्धापकाळाने निधन झाले.
राष्ट्रसंत तुकडोजी महाराज यांच्या सानिध्यात नागपूर मोजारी येथील आश्रमात त्यांचे शिक्षण झाले. वैद्यकीय शिक्षण पूर्ण झाल्यानंतर १९६६ मध्ये रत्नागिरी येथे जिल्हा कुटुंब कल्याण अधिकारी म्हणून शासकीय सेवेत रूजू झाले. देवगड तालुक्याचे पहिले पंचायत समिती सभापती आर. आर. लोके यांनी त्यांना देवगड तालुक्यात आणले. डॉ. महेंद्रकर यांनी देवगड, बांदा, नाटळ, गुहागर येथे वैद्यकीय अधिकारी म्हणून काम केले. शिरगाव येथे मातृमंदिर या मॅटर्निटी होमची स्थापना करून तालुक्यातील ग्रामीण भागातील खेड्यापाड्यात वैद्यकीय सेवा दिली.
त्यांच्या पश्चात पत्नी, पाच विवाहित मुली, मुलगा, सून, नातवंडे व जावई असा परिवार आहे. वैभववाडी प्राथमिक आरोग्य केंद्राचे वैद्यकीय अधिकारी डॉ. गुरुप्रसाद महेंद्रकर यांचे ते वडील तर शिरगांव प्राथमिक आरोग्य केंद्राच्या वैद्यकीय अधिकारी डॉ. अश्विनी कोर्टुरवार यांचे ते सासरे होत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
प्रधानमंत्री मत्स्य संपदा योजनेअंतर्गत २ नौकांचे सहकारी संस्थांना वितरण.
आगामी काळात स्वबळावर लढण्याचा तालुकाध्यक्ष धोंडी चिंदरकर यांनी व्यक्त केला मानस.
भाजप कोकण विकास आघाडी सिंधुदुर्ग जिल्हा महिला संपर्कप्रमुख वैशाली राणे यांची निवड..!
