बारावीची ऑनलाईन अर्जप्रक्रिया..!
मुंबई | ब्युरो न्यूज : महाराष्ट्र राज्य माध्यमिक व उच्च माध्यमिक शिक्षण मंडळामार्फत २०२३ मध्ये घेण्यात येणाऱ्या बारावी परीक्षेसाठी ऑनलाईन अर्जप्रक्रियेला आज शनिवार १ ऑक्टोबरपासून प्रारंभ होत आहे. १ ते २१ ऑक्टोबर या कालावधीत ऑनलाईन अर्ज करण्याची मुदत आहे. विद्यार्थ्यांनी ‘सरल डेटाबेस’ वरून कनिष्ठ महाविद्यालयीन प्रमुखांमार्फत अर्ज करावा, असे आवाहन राज्य मंडळाकडून करण्यात आले आहे.
राज्य मंडळाकडून बारावीच्या परीक्षेचे संभाव्य वेळापत्रक जाहीर झाले आहे. दरवर्षीप्रमाणे यंदाही ऑनलाईन पद्धतीने परीक्षेसाठी अर्ज करणे आवश्यक आहे. यासाठीच्या तारखा गुरुवारी जाहीर करण्यात आल्या. मंडळाच्या संकेतस्थळावरून अर्ज करता येणार आहे. उच्च माध्यमिक शाळा व कनिष्ठ महाविद्यालयांकडून ऑनलाईन अर्ज स्विकारण्यासाठी सरल डेटाबेसमध्ये विद्यार्थ्यांची नोंद आवश्यक आहे. अर्ज भरण्याच्या तारखांमध्ये कोणतीही मुदतवाढ देण्यात येणार नाही, असे मंडळाच्या सचिव अनुराधा ओक यांनी कळविले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
