कणकवली | प्रतिनिधी : सिंधुदुर्ग जिल्ह्यातील कणकवली शहरातील जळकेवाडीत घरगुती सिलेंडरचा नॉब उघडत असताना सिलेंडरने तेथील आगीच्या संपर्कात आल्याने अचानक पेट घेतला. कणकवली जळकेवाडी येथील बबन चव्हाण यांच्या घरात गुरुवारी सकाळी ९:०० वा. सुमारास ही घटना घडली.

बबन चव्हाण यांचा मुलगा राजू चव्हाण यांनी पेटता सिलेंडर घराबाहेर ढकलला व मोठा अनर्थ टळला.
या घटनेत घराच्या वासे ज्वाळांनी वेढले गेले . सुदैवाने मोठी दुर्घटना टळली. घटनेची माहिती मिळताच अनेकांनी घटनास्थळी नाव घेतली. सामाजिक कार्यकर्ते संजय मालडकर यांच्यासह स्थानिकांनी प्रसंग सावधान राखत सिलेंडरची आग विझवली.
सिलिंडर घराबाहेर ढकलल्याने पेटत्या सिलिंडर मुळे तीन वाशांनी पेट घेतला. या घरापर्यंत जाण्यासाठी अरूंद रस्ता असल्यामुळे घटनास्थळापर्यंत अग्निशमन बंब पोहोचू शकला नाही. परंतु नंतर नगरपंचायत कर्मचाऱ्यांसह सर्वांनी सतर्कता बाळगून छोट्या बंबाला पाचरण करण्यात आले परंतु नागरिकांनी त्याआधीच आग आटोक्यात आणली.

सदर घटनेची माहिती मिळताच नगराध्यक्ष समीर नलावडे, माजी नगरसेवक बंडू गांगण, सामाजिक कार्यकर्ते संजय मालंडकर, यांच्यासह अनेकांनी घटनास्थळी धाव घेतली. नगरपंचायत कर्मचारी रोहन डीचोलकर, विनोद जाधव यांच्यासह कर्मचारी घटनास्थळी आहेत.