बांदा | राकेश परब : सिंधुदुर्ग जिल्ह्यातील बांद्यातल्या व्यापारी,सेवेकरी यांनी एकत्र येत जी एकजूट दाखवली आहे ती उल्लेखनीयआहे. देवतांचे विडंबन करण्याचे प्रकार वारंवार केले जातात ते आता खपवून घेतले जाणार नाहीत.जेव्हा अशा कंपन्यांना कडक शासन होईल.तेव्हा परत कोणी असा प्रकार करण्याची हिंमत करणार नाही. बांदावासियांनी ही त्याग आंदोलनाद्वारे जनजारणाचा आदर्श दिला आहे. आता त्या कंपनी समजेल अशा भाषेत धडा शिकवायची व जाहीर माफी मागायला लावायची जबाबदारी माझी आहे असे प्रतिपादन कणकवलीचे आमदार नितेश राणे यांनी बांदा येथे केले.
त्याग आंदोलनात सहभागी झालेली देवस्थाने, व्यापारी ,भाविक व सेवेकरी यांची बांदा येथे भेट घेऊन त्यांच्याशी सुसंवाद साधताना ते बोलत होते.

बांदा संत सोहिरा मठात आयोजित या कार्यक्रमात व्यासपीठावर माजी सभापती गुरुनाथ पेडणेकर ,बांदा सरपंच अक्रम खान ,व्यापारी अजय महाजन ,ग्रा.पं.सदस्य जावेद खतिब उपस्थित होते.
यावेळी प्रास्ताविकात त्याग आंदोलनाचे प्रणेते आशुतोष भांगले यांनी गेले वर्षभऱ सुरु असलेल्या या आंदोलनाची माहीती दिली.
या आंदोलनाची दखल घेत स्वत: बांद्याला येऊऩ आंदोलकांना भेटल्याबद्दल आ.नितेश राणे यांचे आणि आपण जाहिररित्या केलेले आवाहन आमदार नितेश राणे यांच्यापर्यंत पोहोचवल्याबद्दल सरपंच अक्रम खान यांचे त्यांनी आभार मानले.

यावेळी जयप्रकाश सावंत,राजेश पावसकर, ज्ञानेश्वर येडवे,राकेश केसरकर ,प्रसाद आंबिये, तसेच भजनकर्मी गिरिश महाजन ,व्यापारी अजय महाजन ,महिला सेवेकरी गीता गर्दे आदींना आ.राणेंच्या हस्ते गौरविण्यात आले.

यावेळी माजी जि.प.अध्यक्ष संदेश सावंत ,माजी जि.प.सदस्य श्वेता कोरगांवकर,माजी सरपंच मंदार कल्याणकर,ग्रा.पं.सदस्य राजेश विर्नोडकर,उमांगी मयेकर या कार्यक्रमाला बांद्यातील व्यापारी,भाविक,भजनकर्मी सेवेकरी मोठ्या संख्येेने आवर्जून उपस्थित होते.