आमदार नितेश राणेंच्या माध्यमातून वरवडे येथील गणपती सान्यासाठी निधी मंजूर.
जानवली नदीतीरावर गणपती साना बांधण्यासाठी १५ लाखांचा निधी मंजूर..!
माजी पं.स.उपसभापती मिलिंद मेस्त्री यांच्या पाठपुराव्याला यश.!
कणकवली | प्रतिनिधी : सिंधुदुर्ग जिल्ह्यातील देवगड कणकवली वैभववाडी विधानसभा मतदारसंघाचे भाजपा आमदार नितेश राणेंच्या माध्यमातून वरवडे चव्हाण दुकानामागे जानवली नदीतीरावर गणपती साना बांधण्यासाठी १५ लाखांचा निधी मंजूर झाला आहे.
यामुळे वर्षानुवर्षांची कलमठ वरवडे गावातील नागरिकांची गैरसोय दूर होणार आहे. या ठिकाणी गणपती साना मंजूर व्हावा यासाठी माजी उपसभापती मिलिंद मेस्त्री यांनी आमदार नितेश राणेंकडे पाठपुरावा केला होता.
कलमठ सुतार वाडी, लांजेवाडी व वरवडे गावातील सुतारवाडीतील ग्रामस्थ आपल्या घरगुती गणपतीचे या ठिकाणी विसर्जन करतात. परंतु गणपती विसर्जन वेळी ग्रामस्थांची गणपती सांना नसल्याने गैरसोय होत होती. त्यामुळे येथे गणपती साना बांधून मिळावा ही स्थानिकांची अनेक वर्षे मागणी होती. माजी उपसभापती मिलिंद मेस्त्री यांनी आमदार नितेशजी राणे यांच्या कडे गणपती सान्यासाठी निधी ची मागणी करताच, आमदार नितेश राणे यांनी लेखाशीर्ष २५२५ व १२३८ अंतर्गत मंजूर विकास कामा मध्ये १५ लाख रुपये निधी उपलब्ध करून दिला. त्या मुळे वर्षानुवर्षे मागणी असलेला गणपती साना उपलब्ध होणार असून गैरसोय दूर केल्याबद्दल ग्रामस्थांचे समाधान झाले असून स्थानिक नागरिकांनी आमदार नितेश राणे यांची प्रशंसा केली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
