चिंदर बाजारातील साई मंदिरात चोरट्याने दरवाजा तोडून फोडली देणगी पेटी..!
आचरा | प्रसाद टोपले : सिंधुदुर्ग जिल्ह्यातील मालवण तालुक्यातल्या चिंदर बाजार साई मंदिरात आज रात्री अज्ञात चोरट्याकडून दरवाजा तोडून देणगी पेटी फोडली.
यात अंदाजे रोख रक्कम २००० व दरवाजाचे नुकसान झाले आहे.
आज सकाळी येथील ग्रामस्थ श्री. गोपाळ मो.पारकर ह्यांच्या निदर्शनाला ही गोष्ट येताच त्यांनी मंडळाचे अध्यक्ष नितीन पावसकर व इतर ग्रामस्थांच्या चोरीच्या घटनेची कल्पना दिली. त्यानंतर मंदिर कमिटीचे अध्यक्ष आणि ग्रामस्थांनी आचरा पोलीस ठाणे येथे जाऊन तक्रार नोंदवली.
त्यानंतर पोलिसांनी घटनास्थळी जात पहाणी केली.
आचरा पोलीस साहाय्यक पोलीस निरीक्षक कुलदीप संभाजी पाटील , सहाय्यक पोलीस डी .डी चव्हाण , चिंदर गावचे पोलिस पाटील श्री दिनेश पाताडे यांनी घटनास्थळी उपस्थित राहून पंचनामा केला व पुढील तपास सुरु झाला आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
