नदीपात्रालगत सापडला मृतदेह..!
कणकवली | ब्युरो न्यूज : सिंधुदुर्ग जिल्ह्यातील कणकवली तालुक्यातल्या खारेपाटण- चिंचवली मार्गावरील शुकनदीच्या पात्रालगत एका अज्ञात व्यक्तीचा मृतदेह आढळला आहे. यामुळे एकच खारेपाटण परिसरात खळबळ उडाली आहे.
खारेपाटण येथे आज सकाळी १० वा. सुमरास खारेपाटण – चिंचवली रोड नजीक असलेल्या हसोळटेम्बच्या जवळ शुक नदीच्या पात्राशेजारील झाडात एका अज्ञात व्यक्तीचा मृतदेह नदित मासेमारी करणाऱ्या व्यक्तींना आढळून आला. याबाबतची माहिती खारेपाटण सरपंच रमाकांत राऊत यांनी दिली. तसेच तातडीने पोलीस पाटील दिगंबर भालेकर यांना घटनेची माहिती दिल्यानंतर खारेपाटण पोलीस ठाण्याचे पोलीस नाईक उद्धव साबळे, पोलीस हेडकॉन्स्टेबल पराग मोहिते, यांनी घटनास्थळी तातडीने भेट देऊन मृतदेहाची पाहणी केली. मात्र सदर मृतदेह हा सडलेल्या अवस्थेत असल्याने त्याची अद्याप ओळख पटलेली नाही. कणकवली पोलीस निरीक्षक सचिन हुंदळेकर यांनी देखील तात्काळ खारेपाटण ला भेट देऊन घटनेची माहिती घेतली. या घटनेबाबतचा अधिक तपास खारेपाटण पोलीस दूरक्षेत्राचे पोलीस कर्मचारी करीत आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
