कणकवलीतील देवेंद्र राणेंचे निधन.
नुकतेच मुंबईतून उपचार करुन कणकवलीला आले होते कै. देवेंद्र राणे.
कणकवली | ब्युरो न्यूज : सिंधुदुर्ग जिल्ह्यातील कणकवलीत एक अत्यंत दुःखद घटना घडल्याने परिसरात शोकाचे वातावरण आहे.
पायाला झालेल्या जखमेवर मुंबईतील केईएम रुग्णालयातून उपचार घेऊन गावी आल्यानंतर खूपच अशक्तपणा जाणवू लागल्याने येथील उपजिल्हा रुग्णालयात दाखल करण्यात आलेल्या देवेंद्र अभिमन्यू राणे (४५, रा. कणकवली- शिवाजीनगर) यांचे काल गुरुवारी निधन झाले.
दिवंगत देवेंद्र यांच्या डाव्या पायाला जुनी जखम होती. ही जखम चिघळल्यानंतर त्यांच्यावर केईएम रुग्णालयात उपचार सुरू होते. गुरुवारी सकाळी ७.३० च्या सुमारास देवेंद्र हे कणकवलीतील घरी आले. मात्र, त्यांना गाडीतून उतरताना खूपच त्रास होऊ लागला होता. अशक्तपणा असल्याने त्यांना १०.३० च्या सुमारास उपजिल्हा रुग्णालयात दाखल करण्यात आले. उपचारादरम्यान ११ च्या सुमारास त्यांचा मृत्यू झाला.
या घटनेची आकस्मित मृत्यू अशी नोंद झाली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
