सवतलतींसाठीची ३,५५६ स्मार्टकार्डस् एसटीच्या आगारांमध्ये पडून…!
कणकवली | ब्युरो न्यूज : महाराष्ट्र राज्य परिवहन महामंडळाच्या बसमध्ये सवलतींच्या दरात प्रवास करण्यासाठी ज्येष्ठ. नागरिक, दिव्यांग व इतर सवलतींसाठी प्रवाशांकडे स्मार्टकार्ड असणे अनिवार्य आहे. एसटीच्या सवलतींचा लाभ मिळावा यासाठी सिंधुदुर्ग जिल्ह्यातून ४३,२७२ जणांनी स्मार्ट कार्डसाठी नावनोंदणी केली. स्मार्टकार्ड योजनेसाठी ४०,३८८ जण पात्र ठरले. त्यापैकी ३६,८३२ जणांनी आपली स्मार्टकार्डस् घेतली असून ३,५५६ जणांनी अद्यापही स्मार्टकार्डस् न घेतल्यामुळे ती एसटीच्या आगारांमध्ये पडून आहेत. महाराष्ट्र राज्य परिवहन महामंडळाकडून ज्येष्ठ नागरिक तसेच प्रवाशांना भाड्यामध्ये सुट दिली जाते. यासाठी आगोदर जुने ओळखपत्र ग्राह्य धरले जात होते. जुन्या ओळखपत्रावर अनेकवेळा गैरप्रकार होण्याची शक्यता होती. याला आळा घालण्यासाठी महामंडळ प्रशासनाकडून प्रवाशांना स्मार्टकार्ड योजना कार्यन्वित केली. मात्र, कोरोना संसर्ग, एसटी कर्मचाऱ्यांच्या संपामुळे या योजनेस ३१ ऑक्टोबरपर्यंत मुदतवाढ दिली आहे. प्रावाशांनी स्मार्टकार्ड घेऊन जावे, असे आवाहन केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
