देवली ग्रामपंचायतीचे उपसरपंच भाऊ चव्हाण यांचे निधन…!
मालवण | प्रतिनिधी :
मालवण तालुक्यातील देवली ग्रामपंचायतीचे उपसरपंच तसेच संजय गांधी निराधार योजना समितीचे सदस्य कृष्णा ऊर्फ भाऊ माधवराव चव्हाण (वय-६६) यांचे आज अल्पशा आजाराने निधन झाले. त्यांच्या अकाली निधनाने देवली गावावर शोककळा पसरली आहे.
भाऊ चव्हाण हे देवली ग्रामपंचायतीचे विद्यमान उपसरपंच म्हणून काम पाहत होते. त्याचबरोबर संजय गांधी निराधार योजना समितीवर सदस्य म्हणून कार्यरत होते. गावातील विविध सामाजिक, शैक्षणिक, धार्मिक उपक्रमात त्यांचे मोठे योगदान होते. ते गेले काही दिवस आजारी होते. यात आज त्यांचे निधन झाले. त्यांच्या अकाली निधनाने देवली गावावर शोककळा पसरली आहे. ज्येष्ठ शिक्षक नेते भाई चव्हाण यांचे ते भाऊ होत. त्यांच्यामागे पत्नी, मुलगा, भाऊ, बहिणी, पुतणे, पुतण्या असा परिवार आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
