विमा क्षेत्रात सलग पाच वर्षे आंतरराष्ट्रीय पुरस्काराच्या मानकरी.

संतोष साळसकर | ब्युरोचीफ : सिंधुदुर्ग जिल्ह्यातील कणकवली येथील विमा प्रतिनिधी सौ.श्रद्धा कदम यांचा कोल्हापूर विभागाचे सीनियर डिव्हिजन मॅनेजर श्री.अभय कुलकर्णी यांच्या हस्ते सत्कार झाला.
सलग पाच वर्षे विमा क्षेत्रातील आंतरराष्ट्रीय पुरस्कार (MDRT) प्राप्त करणाऱ्या सौ.श्रद्धा कदम
यांच्या कणकवलीतील कार्यालयात हा सत्कार करण्यात आला .
यावेळी कणकवली शाखाधिकारी सतेजा बोवलेकर,विकास अधिकारी श्री. श्रीनिवास पळसुले आदी उपस्थित होते.
सौ. कदम गेली २५ वर्षे विमा क्षेत्रात आहेत. सेवाभावी वृत्तीच्या जोरावर त्यांनी सामान्य जनतेपासून उच्चस्तरीय जनतेपर्यंत विमा क्षेत्रात आपली विश्वासहर्ता निर्माण केली. सलग पाच वर्षे विमा क्षेत्रातील हा आंतरराष्ट्रीय पुरस्कार मिळून सिंधुदुर्गात विमा क्षेत्रात प्रथम स्थान पटकाविले आहे.
गेली पाच वर्ष त्या डिव्हिजन मध्ये पहिल्या पाच क्रमांकात असून शाखेत पहिल्या क्रमांकावर आहेत.
कणकवली येथे त्यांचे स्वतंत्र विमा सेवा कार्यालय असून ग्राहकांना सेवा आणि अभ्यासपूर्ण माहिती देत असल्याने त्यांनी आपल्या व्यवसायात विश्वासार्हता निर्माण केली.
कोरोना काळातही त्यांनी ग्राहकांना वेळोवेळी विमा कामाबाबत मदत केली.सलग पाच वर्ष विमा क्षेत्रातील पुरस्कार प्राप्त केल्याने विविध क्षेत्रातून त्यांचे अभिनंदन होत आहे. त्यांचे डेव्हलपमेंट ऑफिसर श्री. श्रीनिवास पळसुले यांचे त्यांना मार्गदर्शन लाभले.