शिरगांव मध्ये आज दुचाकीने घेतला अचानक पेट..!
संतोष साळसकर | ब्युरोचीफ : सिंधुदुर्ग जिल्ह्यातील
देवगड तालुक्यातल्या चाफेड भोगलेवाडी येथील तंटामुक्त समितीचे माजी अध्यक्ष सुनील गोपाळ कांडर यांच्या मालकीच्या बजाज पल्सर ही दुचाकी गाडी सुरू करत असताना अचानक पेट घेतला. यात दुचाकीचे सुमारे ३० ते ४० हजाराचे नुकसान झाले आहे. ही घटना आज गुरुवारी सायंकाळी ६.३० वाजण्याच्या सुमारास साळशी रोड जवळ घडली.
सुनील कांडर हे काही कामानिमित्त आपली मालकीची (एम.एच ०७ एन ६०६२) ही बजाज पल्सर १३५ मोटरसायकल घेऊन शिरगाव ला गेले होते. त्यानंतर सायंकाळी ६.३० वाजण्याच्या सुमारास ते घरी जात असताना त्यांच्या गाडीने सुरू करतेवेळी अचानक पेट घेतला. त्यावेळी त्यांनी तशीच गाडी सोडून आपला जीव वाचविला. आणि हा हा म्हणता संपूर्ण गाडी आगीच्या भक्ष्यस्थानी आली. बाजारपेठेतील काहिंनी ही आग विझविण्याचा खूप प्रयत्न केला. मात्र या आगीने खूप मोठे रौद्ररूप धारण केले आणि संपूर्ण गाडी जाळून खाक झाली. यात त्यांचे सुमारे ३० ते ४० हजाराचे अपरिमित असे नुकसान झाले आहे. सुनील गोपाळ कांडर यांची घरची आर्थिक परिस्थीती खूप बिकट आहे. या आगीचे नेमके कारण अद्याप समजू शकले नाही.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
प्रधानमंत्री मत्स्य संपदा योजनेअंतर्गत २ नौकांचे सहकारी संस्थांना वितरण.
आगामी काळात स्वबळावर लढण्याचा तालुकाध्यक्ष धोंडी चिंदरकर यांनी व्यक्त केला मानस.
भाजप कोकण विकास आघाडी सिंधुदुर्ग जिल्हा महिला संपर्कप्रमुख वैशाली राणे यांची निवड..!
