२ कोटी ९७ लाख रुपये निधी मंजूर ; आ. वैभव नाईक यांनी जातीने केली कामाची पाहणी .

मालवण | सुयोग पंडित : सिंधुदुर्ग जिल्ह्यातील मालवणच्या वैभवशाली सौंदर्यात भर पाडणाऱ्या सुप्रसिद्ध आरसेमहाल , शासकीय विश्रामगृहाची इमारत मोडकळीस आल्याने त्या इमारतीचे नुतनीकरण करणे गरजेचे होते. कुडाळ मालवणचे आमदार वैभव नाईक यांनी हा कळीचा मुद्दा विचारात घेऊन महाविकास आघाडी सरकारच्या काळात मुख्यमंत्री उद्धवजी ठाकरे, पर्यटन मंत्री आदित्य ठाकरे ,सार्वजनिक बांधकाम मंत्री अशोक चव्हाण, वित्त व नियोजन मंत्री अजित पवार यांच्याकडे निधी मंजुरी साठी पाठपुरावा केला होता.

आमदार वैभव नाईक यांच्या सकारात्मक धोरण व यशस्वी पाठपुराव्यामुळे आरसेमहाल, शासकीय विश्रामगृहाच्या इमारतीच्या नूतनीकरणासाठी बजेट मधून २ कोटी ९७ लाख रु.निधी मंजूर करण्यात आला होता.
या कामाची टेंडर प्रक्रिया पूर्ण झाली असून आजपासून कामाला प्रत्यक्षात सुरुवात झाली आहे. आज आमदार वैभव नाईक यांनी याठिकाणी भेट देत कामाची पाहणी केली. कामाची गुणवत्ता व दर्जाबाबत त्यांनी संबंधीत ठेकेदाराला सूचना केल्या.

यावेळी शिवसेना तालुकाप्रमुख हरी खोबरेकर, माजी नगरसेवक व माजी बांधकाम सभापती मंदार केणी, शहरप्रमुख बाबी जोगी, उपतालुकाप्रमुख गणेश कुडाळकर, सन्मेष परब, दीपक देसाई, किरण वाळके , नरेश हुले, जावकर ठेकेदार प्रतिनिधी अभियंता संजय कदम उपस्थित होते.