पंतप्रधान नरेंद्र मोदी व सार्वजनिक बांधकाम मंत्री रविंद्र चव्हाण यांच्या वाढदिवसानिमित्त माजी वित्त व बांधकाम सभापती श्री संतोष साटविलकर यांच्या माध्यमातून आयोजन….!

चौके | अमोल गोसावी :
भारताचे पंतप्रधान सन्माननीय नरेंद्रजी मोदी यांच्या 72 व्या वाढदिवसाचे औचित्य साधून संपूर्ण भारत देशात ठिकठिकाणी सेवा पंधरवडा साजरा केला जात आहे. यातच कोकणचे सुपुत्र सार्वजनिक बांधकाम कॅबिनेट मंत्री रविंद्रजी चव्हाण साहेब या दोहोंच्या वाढदिवसाचे औचित्य साधून कट्टा येथे वराडकर हायस्कूल व कनिष्ठ महा. कट्टा याठिकाणी माजी वित्त व बांधकाम सभापती श्री संतोष साटविलकर यांच्या माध्यमातून व संदेश युवा प्रतिष्ठान यांच्या सौजन्याने वह्या वाटप व मुलांना जिलेबी वाटप कार्यक्रम माजी जिल्हा परिषद अध्यक्षा सौ संजना संदेश सावंत यांच्या प्रमुख उपस्थितीत संपंन्न झाला.
यावेळी माजी जि प अध्यक्षा संजना सावंत , माजी वित्त व बांधकाम सभापती संतोष साटविलकर ,संस्था सचिव सुनिल नाईक ,विजयश्री देसाई, शालेय समिती अध्यक्ष सुधिर वराडकर ,माजी सरपंच सतिश वाईरकर , स्वाती वाईरकर, माजी उपसरपंच आबा कामतेकर , शेखर पेणकर,मकरंद सावंत, ग्राप सदस्या मयुरी कुबल ,शेखर मसुरकर,सागर मालवदे,सुहास कुबल, मुख्याध्यापक संजय नाईक ,ऋषी नाईक ज्येष्ठ शिक्षिका राऊळ मॅडम, महेश भाट ,समिर चांदरकर ,भूषण गावडे व इतर शिक्षक, शिक्षकेतर कर्मचारीउपस्थित होते. कार्यक्रमाचे प्रास्ताविक संजय नाईक व आभार प्रदर्शन संजय पेंडूरकर यांनी केले.