संतोष साळसकर | ब्युरोचीफ :
वस्तीची गाडी घेऊन गेलेल्या प्रशांत नार्वेकर ड्रायव्हरचा मृतदेह मणचे खाडीमध्ये सापडला आहे. सदर मृतदेह हा विजयदुर्ग आगारातील चालक प्रशांत प्रकाश नार्वेकर याचा असल्याचे उघड झाले आहे. मृत्यूचे कारण अजुनही अस्पष्ट असून पोलीस तपासानंतर खरे कारण निष्पन्न होणार आहे.
मणचे येथील खाडीमध्ये राजापूर कुंभवडे किनारपट्टीला एक मृतदेह आढळून आला होता या मृतदेहाची ओळख आत्ता पटली असून हा मृतदेह वस्तीची गाडी घेऊन गेलेला व बेपत्ता झालेल्या विजयदुर्ग आगारातील चालक प्रशांत प्रकाश नार्वेकर याचा असल्याचे ओळखीवरुन उघड झाले आहे.
विजयदुर्ग आगारातून मणचे येथे वस्तीची गाडी घेऊन गेलेला चालक प्रशांत प्रकाश नार्वेकर वय ३६ हा बेपत्ता झाला होता. संध्याकाळी ७.३० विजयदुर्ग आगारातून विजयदुर्ग मणचे ही वस्तीची गाडी सुटते ही गाडी मणचे बंदर येथे वस्तीला असते. रात्री जेवण झाल्यावर वाहक पी. एम. पालेकर यांना तुम्ही झोपा मी येतो असे सांगून नार्वेकर मोबाईलवर बोलत निघून गेले मात्र सकाळी ते सापडले नाहीत ही गाडी सकाळी साडेसहा वाजता मणचे येथून पुन्हा विजयदुर्ग कडे जायला सुटते. इकडे तिकडे शोधाशोध करून देखील नार्वेकर हे न सापडल्याने वाहक पी.एम. पालेकर यांनी चालक नार्वेकर हे बेपत्ता झाल्याची तक्रार विजयदुर्ग पोलिसांकडे दिली.