रिक्षा चालक-मालक संघटनेच्या गणेशोत्सवात श्री.व सौ. सुशांत नाईक यांना गणपतीच्या आरतीचा मान.
विवेक परब | एडिटोरिअल असिस्टंट : सिंधुदुर्ग जिल्ह्यातील कणकवली रिक्षा चालक-मालक संघटनेचा गणेशोत्सव मोठ्या उत्साहात साजरा केला जात असून काल शुक्रवारी सायंकाळी कणकवलीचे नगरसेवक तथा युवासेना जिल्हाप्रमुख सुशांत नाईक यांना रिक्षा चालक मालक संघटनेच्या वतीने विशेष निमंत्रित करत श्री.व सौ. सुशांत नाईक यांना श्री. गणेशाच्या आरतीचा मान देण्यात आला.
कै. श्रीधरराव नाईक व कै. राजेंद्र राणे यांनी १९८५ साली कणकवली रिक्षा चालक-मालक संघटनेची स्थापन केली. या संघटनेच्या माध्यमातून गेली ३७ वर्षे अखंडितपणे गणेशोत्सव साजरा करण्यात येत आहे. या गणेशोत्सवानिमित्त विविध धार्मिक व सांस्कृतिक कार्यक्रमांचे आयोजन करण्यात येते.रिक्षा चालक-मालक संघटनेच्या पदाधिकाऱ्यांनी गेली ३७ वर्षे ही परंपरा सुरू ठेवली आहे. २१ दिवस श्री. गणेशाची मनोभावे सेवा चाकरी केली जाते. काल शुक्रवारी श्री. गणेशाच्या आरतीचा मान श्री व सौ सुशांत नाईक यांना देण्यात आला.
यावेळी रिक्षा चालक-मालक संघटनेचे बाळा वराडकर, प्रभाकर कोरगावकर, भाई परब, संतोष सावंत, महेश आमडोसकर, श्री.मगम, मनोज वारे, संदीप घाडी, संतोष सावंत, रुपेश मगम, राजू चिंदरकर, संतोष राणे, बाळू वालावलकर व इतर सदस्य उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
