बांदा | राकेश परब : सिंधुदुर्ग जिल्ह्यातील सावंतवाडी तालुक्यातल्या बांदा येथे चालू आठवड्यापूर्वी झालेल्या मुसळधार पावसामुळे बांदा आळवाडा बाजारपेठेत पाणी घुसले होते. या आपत्तीनंतर शालेय शिक्षणमंत्री दीपक केसरकर यांनी आज बांदा शहराला भेट देत तत्काळ ५० हजारांची मदत दिली. तहसीलदार श्रीनिवास पाटील यांना नुकसानीचे पंचनामे करून तत्काळ अहवाल देण्याचे आदेश दिले. यावेळी त्यांनी बांदा- शेर्ले पुलाची पाहाणी देखील केली.
पुलाच्या दोन्ही बाजूला रस्त्यासाठी लागणारा आवश्यक निधी देण्याची ग्वाही त्यांनी दिली, तर वाफोली येथे घराची भिंत कोसळून नुकसान झालेल्या परब कुटुंबीयांना रोख १० हजारांची मदत दिली.
शनिवार व रविवारी झालेल्या पावसामुळे मुसळधार बांदा – आळवाडा बाजारपेठेत काही दुकानांत पाणी घुसून नुकसान झाले. आज मंत्री केसरकर सिंधुदुर्ग दौऱ्यावर असताना प्रथम त्यांनी बांदा येथे भेट दिली. यावेळी बांदा सरपंच अक्रम खान, ग्रामपंचायत सदस्य राजेश विरनोडकर, माजी ग्रामपंचायत सदस्य हुसेन मकानदार, उद्योजक संदेश पावसकर, प्रीतम हरमलकर, भाऊ वाळके, पांडुरंग नाटेकर, सुनील धामापूरकर, सहाय्यक पोलिस निरीक्षक श्यामराव काळे, वर्षा नाडकर्णी, भैया गोवेकर अ उपस्थित होते. तलाठी वर्षा नाडकर्णी, भैया गोवेकर उपस्थित होते.