बांदा प्राथमिक आरोग्य केंद्राला बाबा काणेकर यांच्या कडून,नेब्युलायज़र वजनकाटा प्रदान.
बाबा काणेकर व सौ. तन्वी काणेकर यांच्या दोघांच्या वाढदिवसानिमित्त भेट..!
बांदा | राकेश परब :
भाजप शहर अध्यक्ष बाबा काणेकर व त्यांच्या पत्नी सौ तन्वी काणेकर यांच्या दोघांच्या वाढदिवसानिमित्त बांदा प्राथमिक आरोग्य केंद्राला नेब्युलायज़र आणि वजन काटा त्यांचे वडील श्री. शामकांत काणेकर आणि आई सौ. अंजली काणेकर यांच्या हस्ते सुपूर्द करण्यात आला. बाबा काणेकर नेहमीच सामाजिक उपक्रम बांदा शहर व परिसरात राबवत असतात. बांदा प्राथमिक आरोग्य केंद्रांची गरज ओळखून त्यांनी नेब्युलायज़र व वजन काटा आपल्या व पत्नीच्या वाढदिवसाच्या निमित्ताने प्रदान करण्यात आला. यावेळी
वैद्यकीय अधिकारी डॉ. जगदीश पाटील, डाॅ.मयुरेश पटवर्धन, माजी जिल्हा परिषद सदस्या सौ. श्वेता कोरगावकर, भाजप महिला उपाध्यक्षा प्रियांका नाईक, भाजप महिला अध्यक्ष बांदा सौ अवंती पंडित, ग्रामपंचायत सदस्य सौ किशोरी बांदेकर, माजी सरपंच मंदार कल्याणकर, माजी सभापती शीतल राऊळ, बांदा सरपंच अक्रम खान, भाजप तालुका उपाध्यक्ष बांदा मंडल सिद्धेश पावसकर, माजी शहर अध्यक्ष बांदा केदार कणबर्गी सिद्धेश शिरोडकर, तेजराज साळगावकर, सिद्धेश शेवडे, आणि किशोर बांदेकर उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
