मालवण नगरपरिषदेमार्फत शहरात 19 ठिकाणी बसवले काॅन्व्हेक्स मिरर..!
मुख्याधिकारी संतोष जिरगे व प्रशासनाने माजी नगराध्यक्ष व सहकारी तसेच लोकप्रतिनिधींच्या मागणीची घेतली दखल.
माजी नगराध्यक्ष महेश कांदळगांवकर यांनी खासदार विनायक राऊत आणि आमदार वैभव नाईक यांच्याकडे केला होता पाठपुरावा.
मालवण | सुयोग पंडित : सिंधुदुर्ग जिल्ह्यातील मालवण शहराच्या विविध भागातील रहदारीच्या व वाहतुकीच्या रस्त्यांपैकी काही धोकादायक वळणांवर काॅन्व्हेक्स मिरर बसविण्याची मागणी सातत्याने होत होती. नगरपालिका प्रशासनाकडून स्थानिक नागरिक व माजी लोकप्रतिनिधींच्या मागणीची दखल घेऊन नगरपरिषदेचे मुख्य अधिकारी श्री. संतोष जिरगे यांनी धोकादायक वळणांवर काॅन्व्हेक्स मिरर नगरपरिषद निधी मधुन बसविण्याचे कार्यादेश सबंधित कंत्राटदारास दिले. त्यानुसार शहरात 19 ठिकाणी काॅन्व्हेक्स मिरर बसविण्याचे काम पूर्ण झाले आहे.
यासंदर्भात माजी नगराध्यक्ष महेश कांदळगांवकर यांनी समाधान व्यक्त केले आणि सांगितले की मालवण शहर पर्यटन दृष्टीने विकसीत करताना स्थानिक नागरीक,रहदारी व पर्यटक यांची सुरक्षितता महत्वाची आहे हे लक्षात घेऊन असे काॅन्व्हेक्स मिरर बसविण्याची मागणी आपण व सहकारी नगरसेवकांनी केली होती. या संदर्भात खासदार विनायक राऊत आणि आमदार वैभव नाईक यांच्याशीही चर्चा करुन त्याचा पाठपुरावा केला गेला होता. आता नगरपरिषद प्रशासनाने बसविलेले हे काॅन्व्हेक्स मिरर मालवण शहरातील धोकादायक वळणांवरील छोट्या मोठ्या अपघातांना जास्तीतजास्त आळा घालण्यात यशस्वी ठरतील.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
