शिरगांव / संतोष साळसकर :
२२ जुलै हा कालकथित उत्तम पवार यांचा स्मृतिदिन.या दिनाचे औचित्य साधून सिंधुदुर्ग जिल्ह्यातील काही शाळांमध्ये, दर्पण प्रबोधिनी सिंधुदुर्ग या संस्थेच्या वतीने सरस्वती विद्या मंदिर कुवळे आणि रेंबवली प्राथमिक शाळा तालुका देवगड येथे मोफत वह्या वितरण करण्यात आले. त्यावेळी विद्यार्थ्यांना मार्गदर्शन पर बोलताना संस्थेचे अध्यक्ष आनंद तांबे यांनी कालकथित उत्तम पवार यांचे अपूर्ण राहिलेले सामाजिक काम पुढे नेण्यासाठी आम्ही कटिबद्ध आहोत अशा प्रकारे प्रतिपादन केले.
यावेळी माजी अध्यक्ष राजेश कदम सचिव सुभाष कदम,किशोर कदम,संतोष तांबे,विशाल हडकर,नितीन नागवेकर,कुवळे गावच्या सरपंच, सौ.संगीता कदम,उपसरपंच प्राध्यापक सुभाष कदम,शाळेचे मुख्याध्यापक परब सर शाळाव्यवस्थापन समिती अध्यक्ष अमोल परब व ग्रामपंचायत सदस्य रत्नदीप कुवळेकर आदि मान्यवर उपस्थित होते. यावेळी तांबे पुढे म्हणाले कि,उत्तम पवार यांनी छात्र भारतीच्या माध्यमातून समाज कार्यास सुरुवात केली.ते उत्तम कवी होते,त्यांच्या कवीचा बी.ए.प्रथम वर्षाच्या अभ्यास क्रमात समाविष्ट आहेत.आंबेडकरी चळवळ पुढे नेण्यासाठी त्यांचे योगदान फार मोलाचे समजले जाते त्यामुळे हा दिवस प्रबोधिनीच्या वतीने संकल्प दिनम्हणून साजरा केला जातो.
उपसरपंच तथा संस्थेचे सचिव सुभाष कदम यांनी प्रास्ताविक करून संस्थेच्या कार्यकर्त्यांची ओळख करून दिली.मुख्याध्यापक परब सर यांनी सर्वांचे स्वागत केले.किशोर कदम सर यांनी उपस्थीत मान्यवरांचे आभार मानले शाळेने केलेल्या सहकार्यांद्दल सचिव सुभाष कदम यांनी सर्वांचे जाहिर आभार मानले. या संस्थेच्या वतीने जिल्ह्यामधील भरणी नं.१, ओटव नं.१ ओटव नं.१ नांदगाव, ओसरगाव नं.१,वेतोरे नमसवाडी वेंगुर्ले,कुर्ली नं.१ वैभववाडी या ही शाळांना संस्थेचे उपाध्यक्ष नरेंद्र तांबे,सुनील तांबे आदी कार्यकर्ते यांच्या मार्गदर्शनातून मोफत वह्या वाटप करण्यात आल्या.