चौके | अमोल गोसावी : सिंधुदुर्ग जिल्ह्यातील मालवण तालुक्यातल्या काळसे धामापूर ग्रामस्थांची बी.एस.एन.एल नेटवर्क ची प्रतिक्षा अखेर आजपासून संपली आहे. ग्राहकांची बऱ्याच दिवसांची मागणी असलेला काळसे माळकेवाडी येथे उभारण्यात आलेला बी.एस.एन.एल टॉवर आज दुपारी कार्यान्वित करण्यात आला.

सदर टॉवरचे उद्घाटन उद्या शुक्रवार दिनांक १५ एप्रिल रोजी सकाळी ११:४० वाजता खासदार विनायक राऊत यांच्या शुभहस्ते आणि आमदार वैभव नाईक यांच्या प्रमुख उपस्थितीत संपन्न होणार आहे. यावेळी जिल्ह्यातील काही प्रमुख शिवसेना पदाधिकारीही उपस्थित राहणार आहेत.
खासदार विनायक राऊत, पालकमंत्री उदय सामंत आणि आमदार वैभव नाईक यांनी काळसे धामापूर ग्रामस्थांच्या मागणीची दखल घेऊन वर्षभरात काळसे माळकेवाडी येथे टॉवर उभारून तो कार्यान्वित करून सर्वांची गैरसोय दुर केल्याबद्दल ग्रामस्थ आणि ग्राहकांनी त्यांचे आभार मानले आहेत तसेच बीएसएनएल अधिकाऱ्यांच्या तत्पर सेवेबद्दलही ग्रामस्थांनी समाधान व्यक्त केले आहे.

काळसे व धामापूर वासियांची आनंदाची सद्यस्थिती व समाधान पाहून असेच दिसतेय की ‘टाॅवरमे पाॅवर आणि समाधानाच्या आनंदाचा बरसतोय शाॅवर..!’