आजच्या युवती लोककलेचा वारसा पुढे नेत असल्याचा अभिमान : लेखक व कलाकर्मी राजेश राणे.
कणकवलीत महिला दशावताराची रंगीत तालीम संपन्न…!
मालवण | सुयोग पंडित : सिंधुदुर्ग जिल्ह्यातील अष्टपैलू बाॅलीवुड अभिनेत्री सिंधुरत्न फाऊंडेशन अध्यक्षा सौ. अक्षता कांबळी प्रस्तुत महिला दशावतार नाट्यप्रयोगाची रंगीत तालिम शनिवार दिनांक ९ एप्रिल रोजी शिवशक्ती हॉल (कनकनगर) कणकवली संपन्न झाली.
खलनायकाची भूमिका सादर करणाल्या अष्टपैलू सिने अभिनेत्री सौ.अक्षता कांबळी या रंगीत तालमीचे विशेष आकर्षण ठरल्या.
या दशावतार नाट्य प्रयोगासाठी सर्व महिला कलाकारांनी घेतलेली मेहनत अत्यंत प्रशंसनीय असल्याचे ज्येष्ठ लेखक व कलाकर्मी श्री राजेश राणे यांनी सामाजीक मंचावर सांगितले.
श्री.राजेश राणे हे लोककला ,कोकणी ,मालवणी आणि मराठी संस्कृतीचे अभ्यासक म्हणून ओळखले जातात.
सौ. अक्षता कांबळींसह आजच्या नवयुवती तळकोकणातल्या पारंपारिक प्राचीन दशावतार लोककलेचा वारसा पुढे घेऊन जात आहेत हे पाहून कोकणी मालवणी असल्याचा आपल्याले गर्व वाटला असेही लेखक राणेंनी सांगितले आहे.
लवकरच कणकवलीत याच नाट्यप्रयोगाचा शुभारंभाचा प्रयोग सादर होईल. सिंधुरत्न फाऊंडेशन अध्यक्षा सौ.अक्षताताई कांबळी आणि सर्व कलाकार तंत्रज्ञ यांना पुढील वाटचालीसाठी त्यांच्या चाहत्यांनीही सर्व संचाला शुभेच्छा दिल्या आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
