बांदा नट वाचनालयात कथाकथन स्पर्धा.
बांदा | राकेश परब : शालेय विद्यार्थ्याच्या कलागुणांना वाव मिळावा म्हणून विष्णु नारायण गांवकर, आडाळी पुरस्कृत (कै.) सौ . विजयालक्ष्मी विष्णु गांवकर व (कै.) बिपीन विष्णु गांवकर यांच्या स्मरणार्थ शनिवार दिनांक १९ रोजी येथील नट वाचनालयात कथाकथन स्पर्धेचे आयोजन करण्यात आले आहे.
ही स्पर्धा सकाळी १०.०० वाजता नट वाचनालयात होणार आहे . सदर स्पर्धा सावंतवाडी तालुका मर्यादित असून इ . ३ री व ४ थी आणि इ .५ वी ते ७ वी अशा दोन शालेय गटात होणार आहे . इ . ३ री व ४ थी : विषय – “मला आवडलेली गोष्ट” वेळ ३ मिनिटे ठेवण्यात आली आहे . इ .५ वी ते ७ वी विषय “थोर व्यक्तींच्या जीवनातील कथात्मक प्रसंग” वेळ -४ मिनीटे ठेवण्यात आली आहे. दोन्ही गटातील पहिल्या तीन क्रमांकाना रोख पारितोषिक व प्रमाणपत्र देण्यात येणार आहे. या स्पर्धेसाठी एका गटात एका शाळेतील फक्त दोनच विद्यार्थी स्विकारले जाणार आहेत.
तरी स्पर्धेत भाग घेऊ इच्छिणाऱ्या आपल्या शाळेतील स्पर्धकांची नावे दि . १६ मार्च २०२२ पर्यंत नट वाचनालयात नोंदवावीत असे आवाहन वाचनालयाच्या वतीने करण्यात आले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
