महिलांनी स्वतःचे अस्तित्व सिद्ध करावे : अभिनेत्री सौ अक्षता कांबळी
कणकवली | उमेश परब (सिंधुदुर्ग ब्युरोचीफ) : कणकवली येथील सहयोगिनी सेवा मंडळाचा महिला दिन कार्यक्रम 9 मार्च रोजी उत्साहात साजरा झाला. यावेळी अभिनेत्री सौ अक्षता कांबळी यांच्या प्रमुख उपस्थितीत, सौ नीलम •पालव, सौ रोजा खडपकर, मा. कमल ताई परुळेकर यांच्या हस्ते क्रांती ज्योती सावित्रीबाई फुले यांच्या प्रतिमेला पुष्पहार घालून दीप प्रज्वलन करून कार्यक्रमाची सुरुवात करण्यात आली.
यावेळी कष्टकरी घरेलू कामगार महिला यांचा सत्कार करण्यात आला.
मंडळाच्या अध्यक्ष सौ दीपा सरूडकर, उपाध्यक्ष सौ स्वाती पोएकर, सचिव सौ शुभांगी उबाळे तसेच मंडळाच्या सर्व पदाधिकारी सदस्या यांनी कार्यक्रमाचे नियोजन केले.
यावेळी बोलताना मराठी व बाॅलिवुड सिने अभिनेत्री अक्षता कांबळी यांनी महिलांना स्वतःची ओळख शोधून स्वतःचे अस्तित्व सिद्ध करायचा जीवन मार्गदर्शक मंत्र दिला.
कार्यक्रमाचे सूत्रसंचालन कु ऋतुजा कुदळे यांनी केले.
महिलांचे मनोरंजनाचे कार्यक्रम, फनिगेम,संगीत खुर्ची असे विविध कार्यक्रम यावेळी करण्यात आले. फनी गेम्स मध्ये प्रथम क्रमांक प्रिया मालंडकर, द्वितीय संजना चव्हाण तर तृतीय गीतांजली मालंडकर यांनी पटकावला, त्याच बरोबर दिव्यांग मुलगी प्रिया सावंत हिचे नृत्य सादरीकरण हे महिलांना प्रेरणा देणारे ठरले.
शेवटी मंडळाच्या अध्यक्ष सौ दीपा सरूडकर यांनी सर्व महिलांचे आभार मानून कार्यक्रमाची सांगता झाली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
