दोन मालवणी कवी…मराठी भाषा गौरव दिनादिवशी नेणार 'मनातील कवितांच्या' गावी..!
मालवण | सुयोग पंडित : मालवणातील बॅरि.नाथ पै सेवांगण संचालित साने गुरुजी वाचन मंदिर धुरीवाडा,मालवण येथे २७ फेब्रुवारी रोजी मराठी भाषा गौरव दिनानिमित्त सिंधुदुर्ग जिल्ह्यातील शब्दप्रसिद्ध कवी दादा मडकईकर आणि सजीव मालवणी जाणिवांचे कवी रुजारिओ पिंटो त्यांच्या त्यांच्या साहित्यीक भात्यातली ‘मनातली कविता’ उलगडून दाखवणार आहेत.
बॅरि.नाथ पै सेवांगण संचालित साने गुरुजी वाचन मंदिर धुरीवाडा,मालवण येथे २७ फेब्रुवारी रोजी मराठी भाषा गौरव दिनाचे औचित्य साधून वास्तववादी ग्रामीण आणि मालवणी कवितांच्या सादरीकरण कार्यक्रमाचे आयोजन करण्यात आले आहे.रविवार दिनांक २७ फेब्रुवारी रोजी सकाळी १०:३० वाजता संस्थेच्या दादा शिखरे सभागृहामध्ये हा काव्य सोहळा रंगणार आहे.
या अनोख्या मैफिलीला सिंधुदुर्ग जिल्ह्यातील व मालवण तालुक्यातील काव्य रसिकांनी आवर्जून उपस्थित रहावे असे आवाहन साने गुरुजी वाचन मंदिर चे कार्याध्यक्ष श्री.रुजारिओ पिंटो यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
