४४ संघांमध्ये पटकावले खुल्या अंडरआर्म स्पर्धेत विजेतेपद ..!

मसुरे | प्राजक्ता पेडणेकर : देवगड तालुक्यातील दहीबांव येथे श्री.महादेश्वर क्रिकेट क्लब पुरस्कृत खुला अंडरआर्म क्रिकेट स्पर्धेत लाली स्पोर्ट्स दहीबांव संघाने रोमहर्षक विजय मिळवत एमसीसी
चषक पटकाविला. गांगेश्वर पाटथर संघास उपविजेते पदावर समाधान मानावे लागले.
क्रिकेटपटू सदाशिव उर्फ लाली परब यांच्या प्रथम पुण्यस्मरण दिनानिमित्त स्पर्धेचे आयोजन करण्यात आले होते. स्पर्धेत ४४ संघ सहभागी झाले होते.
अंतिम विजेत्या लाली स्पोर्ट्स दहीबांव
संघास १० हजार एक रुपये व चषक तर उपविजेत्या गांगेश्वर पाटथर संघास ७,हजार एक रुपये व चषक, तृतीय जयंतीदेवी पळसंब संघास ३ हजार एक रुपये व चषक, चतुर्थ वीर मांडकरी वरेरी संघास १ हजार पाचशे रुपये व चषक, उत्कृष्ट गोलंदाज एकनाथ परब, फलंदाज तेजस परब, मालिकावीर विपीन कोंडसकर यांना मान्यवरांच्या हस्ते सन्मानचिन्ह देऊन गौरविण्यात आले.
पारितोषिक वितरण समारंभास दहीबांव बागमळा ग्रामपंचायत माजी सरपंच शरद परब,सेवानिवृत्त नायब तहसिलदार अशोक परब,पोलीस पाटील संजय परब,ग्रा.सदस्य सुशिल चेंदवणकर,रमेश परब,सूर्यकांत शिरवंडेकर,लवू घाडी,गंगाराम परब,मधुकर परब,सचिन माणगांवकर,निलेश परब,एकनाथ परब,बंडू परब,रवींद्र दळवी,नागेश परब,दिनेश खोत,प्रसाद परब,ओंकार घागरे,आदींसह क्रीडा रसिक मोठ्या संख्येने उपस्थित होते.