लाल परी पुन्हा जखमी
आठवड्यात दुसऱ्यांदा हल्ला
कणकवली / उमेश परब – कणकवली-कळसुली या एसटीवर आज सकाळी ७.४५ वाजण्याच्या सुमारास पुन्हा एकदा अज्ञाताकडून दगडफेक केल्याची घटना घडली आहे. कणकवली आगारातून सकाळी ७.३० वाजता एमएच २० बीएल ४०८२ एसटी कळसुलीच्या दिशेने जात असताना हळवल इथे या एसटीवर अज्ञाताने समोरील काचेवर दगडफेक करत तो पसार झाल्याची घटना घडली. यावेळी तीन प्रवासी प्रवास करत होते. मात्र, यात कुठल्याही प्रवासी किंवा चालक-वाहकास दुखापत झाली नसल्याची माहिती सूत्रांनी दिली. या एसटीमध्ये चालक म्हणून एस. ए. चव्हाण आणि वाहक म्हणून आर. पी. लोकरे हे कार्यरत होते. घटनेनंतर यासंदर्भात कणकवली पोलिसात तक्रार नोंदविण्याची कार्यवाही सुरू करण्यात आल्याची माहिती सूत्रांकडून देण्यात आली. घटनेची माहिती मिळताच डीवायएसपी विनोद कांबळी, सहाय्यक पोलीस निरीक्षक ऋषिकेश अधिकारी , संदीप भोसले, ए पी आय. शेखर शिंदे, कैलास इंफाळ आदींनी घटनास्थळी धाव घेत पंचनामा केला.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
