मूळ मालवणच्या सुधीर चव्हाण यांच्या निधनाने जिल्हाभर होतोय शोक व्यक्त…!

मालवण | सहिष्णू पंडित : मूळ मालवण येथील आडवण भागातील श्री सुधीर अनंत चव्हाण (वय 39 वर्षे) यांचे काल रात्री साडेअकरा वाजता निधन झाले.
यंदाच्या कुडाळ निवडणुकीमध्ये ते भा.ज.पा.तर्फे प्रभाग सोळा मधून निवडणुकीच्या रिंगणात उभे होते.
रात्री एक स्थानिक प्रचार आटपून ते कुडाळ भाजप कार्यालय येथे पोहोचताच त्यांना अस्वस्थ वाटू लागले व हृदयविकाराचा तीव्र झटका आला. खाजगी रुग्णालयात उपचारासाठी नेले असता श्री सुधीर चव्हाण हे मृत असल्याचे घोषित केले गेले.
गेली पंधरा वर्षे विविध सामाजिक माध्यमांतून व खासकरुन मैदानी खेळांतून श्री.चव्हाण यांनी त्यांचा पाठिंबा व पुढाकार दाखवला होता.
स्वतःही उत्तम क्रिकेटर होते असलेल्या श्री.चव्हाण यांच्या जाण्याने मालवण,वायरी व आडवणसह संपूर्ण जिल्ह्यातील युवावर्गाला एक धक्काच बसला आहे. तत्वांसाठी आक्रमक परंतु समाज व मानवतेसाठी मदतशील अशी त्यांची ओळख खूप अल्पवयात निर्माण झाली होती.
श्री.चव्हाण यांनी त्यांची व्यावसायिक कारकिर्द श्री.डाॅक्टर निलेश बाणावलीकर हे मालवणमध्ये दंततज्ञ म्हणून कार्यरत असल्यापासून केली होती व आता कुडाळमध्ये आधुनिक व मोठ्या प्रमाणावर शास्त्रोक्त कृत्रिम दंत निर्मिती व्यवसायिक म्हणून सर्वांना परिचित होते.