कुडाळ | प्रतिनिधी :- सावंतवाडी वरून कणकवली ला जाणारी एस. टी. बस कुडाळ तालुक्यातील पंचायत समिती नजीकच्या रस्त्यावरील सखल भागात उलटली. ही घटना बुधवारी दुपारी १२:४० वाजण्याच्या सुमारास घडली. बस मध्ये अठरा प्रवासी प्रवास करत असून सुदैवाने कोणालाही इजा झाली नाही.
बस चालक कांबळी यांच्या म्हणण्यानुसार, बसच्या समोरून जाणारी मोटरसायकल अचानक थांबली असता, बस ला ब्रेक मारल्याने ही घटना घडली. चालकाने प्रसंगावधान राखत बसवर नियंत्रण मिळवल्यानं सुदैवाने एवढ्यावरच निभावले.
सावंतवाडी आगाराची बस सावंतवाडी- कुडाळ- कणकवली अशी असून, चालक एम. एस. कांबळे व वाहक टी. एस. पवार त्यावर कार्यरत होते. बस कुडाळ मध्ये आल्यानंतर प्रवासी घेऊन ती बस पुढे मार्गस्थ झाली. कुडाळ येथील पंचायत समितीच्या वळणाच्या अलीकडे बस पुढे चालणाऱ्या मोटरसायकल स्वार अचानक थाबल्याने बसचालक कांबळे यांनी वाहानचालकाला वाचविण्यासाठी बसवर ताबा मिळवण्यासाठी ब्रेक लावला. मात्र त्यामुळे बस कलडून रस्त्याच्या सखल भागात अपघात झाला.
या घटनेने बस मधील पप्रवासी हादरून गेले. पण वाहक व चालक यांनी बसमधील प्रवाश्यांना धीर देत त्यांना सुखरूप बाहेर काढले. बस रस्त्याच्या सखल भागात तिथे कलडली तेथील लगतच्या घरापासून किंचित अंतरावर बस थाबल्याने अनर्थ टळला. अकरा केव्ही विद्युत वाहिन्या असलेल्या दोन खांबाच्या मध्ये बस स्थिरावली. बसचालकाच्या सतर्कतेने बसवर नियंत्रण राखण्यात यश मिळवले.