"कानूनचे निवृत्त हातही " समाजबांधिलकीत सक्षम !
विशेष वृत्त
निवृत्त पोलिस अधिकारी चंद्रकांत रासम यांनी व्हॉट्सअप ग्रुपच्या माध्यमातून तुळसकर भावंडासाठी जपली सामाजिक बांधिलकी..!
मसुरे | प्राजक्ता पेडणेकर : सिंधुदुर्ग जिल्ह्यातील वेंगुर्ले तालुक्यातील तुळस येथील कु.विजय दिनेश तुळसकर व जागृती आणि कस्तुरी तुळसकर या तिन्ही भावंडांनी बुध्दीमत्ता, कला, संगीत, शिक्षण या सर्व कला बाल वयात आत्मसात केल्या आहेत.या मुलांचे पुढील आयुष्य समृद्ध घडविण्यासाठी आणि त्यांना प्रोत्साहित करण्यासाठी देवगड तालुक्यातील मुणगे येथील सेवानिवृत्त पोलीस अधिकारी चंद्रकांत भाऊ रासम यांनी व्हॉट्सअप ग्रुपच्या माध्यमातून जमा केलेला २७ हजार रुपये रकमेचा धनादेश या भावंडांच्या घरी भेट देत सुपूर्द केला. मदतीचा हात पुढे करुन खारीचा वाटा ग्रुप मधील सर्व सदस्यांनी उचलल्या बद्दल रासम यांनी ग्रुप सदस्यांचे आभार मानले आहेत. मुलांचे वडील श्री दिनेश तुळसकर यांनी सुद्धा मदती बद्दल सर्वांचे आभार मानले आहेत. यावेळी निवृत्त पोलिस अधिकारी श्री चंद्रकांत रासम, निवृत्त पोलिस अधिकारी श्री दिपक राणे, अजित रासम,निलु महाजन, गणेश रासम आणि प्रकाश महाजन आदी उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
