महाविकास आघाडीचे सहकार समृद्धी पॅनलचे पतसंस्था मतदारसंघाचे उमेदवार सुशांत नाईक यांच्या प्रचाराचा शुभारंभ

कणकवली / उमेश परब ( सिंधुदुर्ग ब्युरोचीफ) : सिंधुदुर्ग जिल्हा बँकेच्या निवडणुकीत महा विकास आघाडीचे सहकार समृद्धी पॅनलचे पतसंस्था मतदारसंघाचे उमेदवार सुशांत नाईक यांच्या प्रचाराचा शुभारंभ आज कणकवलीत एसटी वर्कशॉप जवळील गणपती मंदिराजवळ करण्यात आला. त्यानंतर कणकवलीतील श्रीधर नाईक चौकात श्रीधर नाईक यांच्या पुतळ्यास अभिवादन करत त्यांचे आशीर्वाद घेण्यात आले. जिल्हा बँकेचे कणकवली विकास संस्था मतदारसंघाचे उमेदवार व माजी अध्यक्ष सतीश सावंत यांच्या हस्ते श्रीधर नाईक यांच्या प्रतिमेस पुष्पहार अर्पण करण्यात आला. माझ्यासमोर उमेदवार कोण आहे ते पाहण्यापेक्षा मी जिंकण्यासाठी निवडणुकीत उतरलो असे प्रतिपादन सुशांत नाईक यांनी याप्रसंगी केले. तर सहकार क्षेत्रात येऊ पाहत असलेला दहशतवाद मोडीत काढण्यासाठी आम्ही या निवडणुकीत महा विकास आघाडी पॅनल च्या माध्यमातून सामोरे जात असल्याचे सतीश सावंत यांनी सांगितले याप्रसंगी राष्ट्रवादीचे नेते नगरसेवक अबिद नाईक, नगरसेवक कन्हैया पारकर, उपजिल्हाप्रमुख राजू शेट्ये, नगरसेविका मानसी मुंज, बाळू मेस्त्री, आबा दुखंडे, विनोद मर्गज, शिवसेना तालुकाप्रमुख शैलेश भोगले, तेजस राणे, रुपेश आंमडोसकर, प्रशांत वनस्कर, दिलीप वरने, राजू राठोड, गणेश चौगुले, बाबू सावंत, संजय पारकर, भास्कर राणे, प्रतिक्षा साटम, बंडू ठाकूर, गोट्या कोळसुलकर, प्रसाद अंधारी, निसार शेख, अमित केतकर, सुशांत दळवी, प्रदीप सावंत, संकेत नाईक, बंडू नाईक आदी उपस्थित होते.