शिरगांव गावठण परिसरात भटक्या कुत्र्यांचा सुळसुळाट

प्रकाशन: 16 Dec 2021 10:56 AM

वाचन संख्या 64

देवगड

बाजारपेठेत भररस्त्यावर आडवे येत असल्यामुळे वाहनचालकांना धोकादायक

शिरगांव/संतोष साळसकर : देवगड तालुक्यातील शिरगाव बाजारपेठेत भटक्या कुत्र्यांचा खूपच वावर दिसून येत आहे. त्यामुळे वाहनचालक,पादचारी तसेच बाजारात येणाऱ्या ग्राहकांना याचा खूपच त्रास सहन करावा लागत आहे.
या भटक्या कुत्र्यांचा वावर हा खालची बाजारपेठ व वरच्या बाजारपेठेत या ठिकाणी कळपाने फिरताना दिसतो.वरच्या बाजरपेठेत बँक ऑफ इंडिया शाखेजवळ तर १० ते १२ कुत्र्यांचा कळप रस्त्यावर फिरताना दिसून येत आहे.बुधवार या बाजारादिवशी तर ग्राहकांना बाजारात फिरताना या कुत्र्यांचा खूपच त्रास होत असतो.रस्त्यावर मधेच हे कुत्रे आडवे येत असल्याने तसेच रस्त्यावर मधेच बसत असल्यामुळे वाहनचालकांना आपली वाहने चालविताना खूपच अडथळा जाणवतो.परिणामी अपघात घडण्याची शक्यता आहे. काही वेळा तर भरघाव वेगाने येणाऱ्या वाहनांच्या धडकेमुळे कुत्र्यांना आपला जीव गमवावा लागला आहे.तसेच गावठण परिसरात या कुत्र्यांनी अनेकांची कोंबडी खाऊन फस्त केली.त्यामुळे गावठी कोंबडी पाळणे लोकांना आता अशक्य झाले आहे.त्यामुळे या भटक्या कुत्र्यांचा बंदोबस्त संबंधित शासकीय यंत्रणेने करावा अशी जोरदार मागणी होत आहे.

संबंधित बातम्या