अर्जुन पुरस्कार प्राप्त सिंधू कन्या हिमानी परबचा मुंबईत सत्कार..!
मसुरे | प्राजक्ता पेडणेकर : अर्जुन पुरस्कार प्राप्त सिंधूकन्या हिमानी परब हिचा दादर मुंबई येथे “तिमिरातुनी तेजाकडे” या शैक्षणिक तसेच सामाजिक चळवळीचे प्रणेते श्री. सत्यवान यशवंत रेडकर यांनी नुकताच सत्कार केला.
सिंधुदुर्गचे भूमिपुत्र, शासकीय कर्मचाऱ्यांचे गाव घडवण्यासाठी राबवित असलेल्या शैक्षणिक चळवळीचे प्रणेते वमुंबई सीमा शुल्क, भारत सरकार विभागात कनिष्ठ अनुवाद अधिकारी पदावर कार्यरत श्री. सत्यवान यशवंत रेडकर यांच्या सह श्रीकांत दगडू साळेकर, प्रशिक्षक उदय देशपांडे, सौ परब आदी उपस्थित होते. मल्लखांब या क्रीडा प्रकारात अर्जुन पुरस्कार प्राप्त, सिंधू कन्या कुमारी. हिमानी परब हिचा दादर येथील समर्थ व्यायाम शाळा येथे सदिच्छा भेट घेऊन सत्कार केला. हिमानी परब यांना पुढील वाटचालीसाठी शुभेच्छा देऊन त्यांच्याप्रमाणे कोकणातील इतर विद्यार्थ्यांनी विविध खेळ प्रकारात उत्तुंग यश संपादीत करावे व कोकणाचे तसेच महाराष्ट्राचे नाव जागतिक स्तरावर पुढे न्यावे असे श्री. सत्यवान रेडकर यांनी सर्व विद्यार्थ्यांना संबोधित केले. उपस्थित अन्य खेळाडूंना शासनाच्या विविध खेळाडू कोट्याअंतर्गत असणाऱ्या विविध शासकीय नोकरी संदर्भातील संधींचा लाभ घेण्यात यावे असे आवाहन करण्यात आले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
मुख्यमंत्री देवेंद्र फडणवीस यांच्या हस्ते २७ ऑक्टोबर रोजी 'सीएम चषक' ४१व्या युथ नॅशनल बास्केटबॉल स्पर्धेचे उद्घाटन.
मालवणच्या रोझरी इंग्लिश स्कूल प्रशालेचा ॲथलीट कु. सोहम चव्हाण याची विभागीय स्पर्धेच्या पात्रतेची 'उंच उडी...!'
