पैसा पैसा (मराठी सिनेमा)

समीक्षण

अजय एक तिशीचा प्रसन्न वाटेल असा तरुण. सिनेसृष्टीतील दिग्दर्शक वजा एक होतकरु कॅमेरामन अशी त्याची ओळख…..! काही कारणास्तव ती ओळख आता बहुतांश कोणीच आपली ओळख ठेवू इच्छित नसते आणि त्यासोबत अपयशी असा शिक्का बसायच्या अदृश्य शक्तीही आपसूक कार्यरत होत असतात.
पण अजय फार सकारात्मक आशावादी वगैरे नसला तरी प्रामाणिक असतो.
अजयला सकाळी जाग येते.आळोखे पिळोख्यांसोबतच एक फोन येतो.
खरेतर तो फोन सुखद असतो. त्याचे जवळपास संपुष्टात येत चाललेले वैवाहिक जीवन पुन्हा जुळवाजुळव करायचा प्रयत्न करुन भेटण्यासाठी त्याच्या पत्नीचाच तो फोन असतो.
एका सिगरेटसोबत स्वतःला ताजेतवाने करत करत तो तिच्या भेटीची तयारी करु लागतो.
खिशात दोन हजार इतकी भरगच्च रक्कम आणि खरेतर तेवढाच त्याचा बॅन्क बॅलन्स असतो.परंतु त्यांसमोर आज पत्नीशी पुनर्मिलनाची शक्यता ही अमूल्य असल्याने तो इतर विचार न करता त्याच्या बुलेटला किक मारतो….
इथेच “पैसा पैसा” नावाचा सिनेमा सुरु होतो.
जरुर पहा…अभिनेता सचित पाटील हा अभिनेता का आहे ते समजण्यास झेंडा किंवा क्षणभर विश्रांती जितके सक्षम सिनेमा आहेत त्यापलीकडे जात तो आंतरराष्ट्रीय अभिनेता का आहे नक्कीच कळेल.
2016 साली आलेला हा सिनेमा एमॅझाॅन प्राईमवर उपलब्ध आहे.
नेमका किती पैसा…हा पैसा असतो ते दाखवायच्या दिग्दर्शकाच्या कसबाला सचितने नेमके “किती पैसे फिटवलेत” ते प्रेक्षक म्हणून समजेलच आणि माणूस म्हणून…….

सुयोग पंडित (मुख्य संपादक/आपली सिंधुनगरी न्यूज चॅनेल)