मसुरेत अनधिकृत वाळू वाहतुकीच्या डंपरवर कारवाई!
मालवण | प्रतिनिधी : मसुरे स्टेट बँक समोरील रस्त्यावर अनधिकृत वाळूने भरलेला डंपर (एम एच ०७ सी ६२६६) पकडून पुढील कार्यवाही साठी मालवण तहसीलदार कार्यालय येथे जमा केल्याची माहिती मसुरे मंडळ अधिकारी एस. आर.चव्हाण यांनी दिली. शनिवारी दुपारी १२.३० च्या दरम्याने सदर डंपर मधून अनधिकृत वाळू वाहतूक होत असल्याचे मंडळ अधिकारी श्री. चव्हाण यांच्या निदर्शनास आले. चालकाकडे अधिकृत पास नसल्याने सदर डंपरवर कारवाई करण्यात आली आहे. या वेळी मसुरे कोतवाल सचिन चव्हाण, मसुरे पोलीस श्री विवेक फरांदे यांचे सहकार्य लाभले. काही दिवसा पूर्वी मसुरे परिसरातील अनधिकृत रेती रॅम्प ही मंडळ अधिकारी श्री चव्हाण यांनी महसूल यंत्रणा आणि पोलिसांच्या साह्याने तोडले होते.या पुढेही या भागातून अनधिकृत रेती वाहतूक वर करडी नजर ठेवण्यात येणार असल्याचेही श्री चव्हाण यांनी सांगितले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
