तरंदळे येथील श्री टेवणादेवी मंदिरात शनी.४ डिसें. ला वार्षिक जत्रोत्सव
शिरगाव/संतोष साळसकर: कणकवली तालुक्यातील तरंदळे येथील ग्रामदैवत श्री.टेवणादेवी आणि श्री वशिक मर्यादा पंचायतन जागृत मंदिरात शनी. ४ डिसें. रोजी वार्षिक जत्रोत्सव सोहळा आयोजित करण्यात आला आहे. यादिवशी दोन्ही मंदिरात सकाळपासून विविध धार्मिक कार्यक्रम,पूजाअर्चा होणार आहे.श्री टेवणादेवी मंदिरात रात्रौ. १२ वा. श्री. सुधीर कलिंगण यांचे दशावतारी नाट्यप्रयोग,पहाटे ४ वा. देवीच्या ताटाची मिरवणूक व त्यानंतर देवीच्या ओट्या भरणे तर श्री वशिक मर्यादा पंचायतन जागृत मंदिरात रात्रौ.श्री.गणेश दशावतारी नाट्यप्रयोग सादर होणार आहे.तर सकाळी ताट फिरवणे आदि कार्यक्रम होणार आहेत.तरी या उत्सवाला सर्व भाविकांनी उपस्थित राहावे असे देवस्थान ट्रस्ट तर्फे आवाहन करण्यात आले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
