आचरा | अनिकेत पांगे : सिंधुदुर्ग जिल्ह्यातील आचरा जवळील त्रिंबक येथे डॉ सिद्धेश सकपाळ यांच्या हार्मोनि मेडिकेअर रुग्णालयात काल सकाळच्या सत्रात रोजी पार पडलेल्या मोफत मधुमेह तपासणी शिबिराला रुग्णांचा चांगला प्रतिसाद मिळाला.
सदर शिबिरात 51रुग्णांनी सहभाग दर्शवला. या शिबिरात रक्तातील मधुमेह तपासणी, त्यावरील घ्यावयाची काळजी, आहार, व्यायाम या संदर्भात डॉ सिद्धेश सकपाळ यांनी व्यवस्थित मार्गदर्शन केले.
त्याशिवाय मधुमेही रुग्णांमध्ये हातापायात होणाऱ्या वेदना, जळजळ, पायातील रक्ताभिसरण नीट होते का हे पडताळून पाहण्यासाठी मशीनद्वारे पायांची तपासणी करण्यात आली.”शिबिरात नवीन 6 रुग्णांना मधुमेह बाधा असल्याचे लक्षात आले, डॉक्टर आणि सहकाऱ्यांनी त्यांनाही व्यवस्थित मार्गदर्शन केले. मोफत औषधांचेही वाटप सर्व रुग्णांना केले गेले. कोरोना काळात सुद्धा डॉ सिद्धेश सकपाळ यांनी त्रिंबक दशक्रोशीत केलेलं कार्य प्रशंसनीय आहे. कित्येक हजारो रुग्णांना यशस्वी उपचार आणि मार्गदर्शन त्यांनी पहिल्या आणि दुसऱ्या कोविड लाटेत केले आहेत. कुटुंबातील जेष्ठानी चालवलेला समाजसेवेचा वारसा आपणही पुढे आरोग्यसेवेतून करत आहोत”, असे त्यांनी या प्रसंगी सांगितले. या शिबिराला डॉ. सिद्धेश सकपाळ यांच्यासोबत त्यांचे सहकारी जयदीप कांबळे, रुंजी नाईक, काजल घाडीगांवकर, अनिकेत पांगे, आकाश मेस्त्री यांचे साहाय्य फार मोलाचे ठरले. आचरा ,त्रिंबक परिसरातील सर्वांनी आणि शिबिरातील तपासणीस आलेल्या मधुमेह संबंधीत व्यक्तींनी या प्रकल्पाबाबत समाधान व्यक्त केले आहे.