कणवलीतील 26/11 दिनाच्या पार्श्वभूमीवर झालेल्या शहीद पोलिस व नागरीकांसाठी श्रद्धांजली कार्यक्रमात मांडले विचार..

कणकवली | उमेश परब (सिंधुदुर्ग ब्युरोचीफ): सामाजिक कायदा व सुव्यवस्था राखणे हे पोलिसांचे काम आहे पण ती बिघडू न देणे ही नागरिकांची तेवढीच जबाबदारी आहे. सर्वसामान्य नागरिकांच्या मनात आजही पोलिसांबद्दल भीती आहे. ही भीती दूर करण्याचे आम्ही प्रामाणिकपणे प्रयत्न करीत आहोत. तसेच संविधानामुळे आपला देश एकसंध आहे, असे प्रतिपादन कणकवलीचे पोलीस निरीक्षक सचिन हुंदळेकर यांनी केले.
26/11 रोजी मुंबईवर दहशतवाद्यांनी केलेल्या भ्याड हल्ल्यात शहीद झालेल्या पोलिसांना व नागरिकांना श्रद्धांजली वाहण्यासाठी आम्ही कणकवलीतर्फे कणकवली पोलीस स्थानक परिसरात मेणबत्ती प्रज्वलित करण्यात कार्यक्रम आयोजित केला होता. या प्रसंगी ते बोलत होते.
यावेळी आम्ही कणकवलीचे अशोक कंरबेळकर, कलमठ ग्रामपंचायतीचे सदस्य तथा सामाजिक कार्यकर्ते विनायक उर्फ बाळू मेस्त्री, ज्येष्ठ नागरिक सेवा संघाचे दादा कुडतरकर, गोपुरी आश्रमचे अध्यक्ष प्रा. राजेंद्र मुंबरकर, अभिनेते नीलेश पवार, संजय मालंडकर, डॉ. सुहास पावसकर, रुपेश खाडये, विलास गुडेकर, संतोष कांबळे, ज्येष्ठ पत्रकार विजय गावकर, राज राजाध्यक्ष, महेश कोदे, दादा कोरडे, भाई चव्हाण, परेश परुळेकर,रोहन कदम, अर्पिता मुंबरकर, गौरी कामत, सुप्रिया पाटील, ज्योतिका हरियाण, दुर्वा मानकर, स्वरर्गा खांडेकर यांच्यासह पोलीस कर्मचारी उपस्थित होते.
यावेळी उपस्थित नागरिकांपैकी काही नागरिकांनी आपली मनोगते व्यक्त करून शहीद झालेल्यांना आदरांजली वाहिली.                                 निलेश पवार यांनी आपले मनोगत व्यक्त करताना उपस्थितांनी संविधानाचे महत्त्व उपस्थितांना सांगून 26/11 हल्ल्यात शहीद झालेल्यांना त्यांनी आदरांजली वाहिली. यावेळी अर्पिता मुंबरकर यांनी संंविधान दिनानिमित्त घोषणा दिल्या. तत्पूर्वी 26/11 हल्ल्यात शहीद झालेल्यांना नागरिकांनी व ‘आम्ही कणकवली’च्या पदाधिकारी व सदस्यांनी मेणबत्ती प्रज्वलित करून श्रद्धांजली वाहिली.